जिल्ला अस्पतालमा सेवा पाउनबाट बन्चित नागरिक

3/7/2018 गते 00 00 मा प्रकाशित 1414 पटक पढिएको

बीरगंज २३ फागुन ।
पर्साको जिल्ला अस्पतालको रुपमा रहेको पोखरिया अस्पतालमा चिकित्सकको अभावमा त्यस क्षेत्रका नागरिकको स्वास्थ्य सेवा पाउनबाट बन्चित रहेका छन ।

नेपाली कांग्रेसका नेता तथा पर्साका पूर्व सभापति जनार्दन सिंह क्षेत्री एक जना बिरामी लिएर अस्पतालमा जाँदा एक जना पनि कर्मचारी फेला नपरेको बताउछन ।

आफन्तको बिवाहमा सामेल हुन गाउँ गएका फूर्व सभापति संठीमा एक जना महिला अचेत भएपछि आफनो गाडीमा राखेर उपचारका निम्ति पोखरिया अस्पतालमा लगेका थिए ।

तर अस्पतालमा चिकित्सक थिएनन । जिल्लाको राजनीतिमा एउटा स्थापित ब्यक्ति भएको नाताले धेरै खोजवीन गरे पछि साढे नौ बजे एकजना कर्मचारी अस्पतालमा प्रवेश गरेको उनले बताए । ति कर्मचारी थिए अहेव जितेन्द्र महतो ।

कमजोरीका कारण अचानक बेहोस भएकी जगरनाथपुर गाउँपालिका संठी निवासी २२ वर्षिया पूनम देवीको उपचार अव अहेवले गर्ने भएका थिए । जिल्ला स्तरीय अस्पतालको अवस्था देखेर नेता क्षेत्रीको मन थक थक मात्र भयो ।

अस्पतालको ब्यवस्थापन र संचालनको अवस्था देखेर मन खिन्न भयो । गुणात्मक स्वाथ्यसेवा पाउने नागरिक अधिकारबाट ग्रामीण क्षेत्रका जनता बन्चित रहेको भन्दै नेता क्षेत्रीले चिन्ता ब्यक्त गरे ।

नेता क्षेत्रीले अस्पतालको संचालन र ब्यवस्थापनमा जिम्मेवार र जवाफदेह निकायले तत्काल गम्भिर पहल लिन आग्रह समेत गरेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।