गौरमा डुबानको जोखिम बढ्ने चिन्ता, बाँधको उच्चाइ बढाउने र साइफन बन्द गर्ने कामप्रति स्थानीयको आपत्ति
रौतहट । रौतहट जिल्लाको गौर क्षेत्रमा बाँध मर्मत तथा सम्भारको नाममा उच्चाइ थप बढाउने र साइफन बन्द गर्ने कार्य तीव्र गतिमा भइरहेको भन्दै स्थानीय बासिन्दाले गम्भीर आपत्ति जनाएका छन्। उनीहरूले उक्त कार्यले आगामी वर्षायाममा गौर पुनः डुबानको जोखिम बढ्ने चेतावनी दिएका छन्।
स्थानीयका अनुसार गौर भन्सार कार्यालयदेखि पूर्वतर्फ दशगजा क्षेत्र नजिकै बाँध स्तरोन्नती तथा संरचना परिवर्तनको काम भइरहेको छ।
अन्तर्राष्ट्रिय प्रावधानअनुसार दशगजा क्षेत्र आसपास कुनै पनि स्थायी भौतिक संरचना निर्माण गर्न नपाइने भए पनि दशगजादेखि करिब ३०–४० मिटर दूरीमा बाँध निर्माण तथा मर्मतका नाममा संरचना थप मजबुत बनाउने काम भइरहेको उनीहरूको दाबी छ।
रौतहटका समाजसेवी महमद अजादका अनुसार “मर्मतको बहानामा बाँध अझ अग्लो बनाइँदैछ र पानी निकासका लागि बनाइएको साइफनसमेत बन्द गर्ने काम भइरहेको छ। यसले पानीको प्राकृतिक बहाव अवरुद्ध भई गौर फेरि डुबानमा पर्ने निश्चित छ।”
स्थानीय बासिन्दाले वडा अध्यक्ष, नगर प्रमुख, जिल्ला प्रशासन कार्यालय तथा सशस्त्र प्रहरी बललगायत सम्बन्धित निकायलाई जानकारी गराउँदा पनि कुनै ठोस प्रतिक्रिया नआएको गुनासो गरेका छन्। “हामीले पटक–पटक जानकारी गरायौं, तर कसैले चासो देखाएन,” एक स्थानीयले बताए।
स्थानीयको भनाइमा, यदि तत्काल उक्त निर्माण तथा स्तरोन्नतिको काम रोकिने पहल नभए आगामी वर्षायाममा गौर पुनः गम्भीर डुबानको जोखिममा पर्नेछ। यस विषयमा सम्बन्धित सरकारी निकाय र राजनीतिक दलका प्रतिनिधिहरू मौन बसेको आरोपसमेत लगाइएको छ।
यस सम्बन्धमा सरोकारवाला निकायको आधिकारिक प्रतिक्रिया आउन बाँकी छ। स्थानीयले तत्काल स्थलगत अनुगमन गरी विवादित निर्माण कार्य रोक्न र दीर्घकालीन समाधान खोज्न माग गरेका छन्।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पर्यटन प्रर्वद्धनमा हिडेका बाइक राइडरलाई ठोरीमा भव्य स्वागत
ठोरी । पर्यटन प्रवर्द्धन गर्ने उद्देश्यले ठोरी आइपुगेका बाइक राइडरहरूलाई ठोरीमा भव्य स्वागत गरिएको छ।
एक वर्षदेखि सम्पर्कविहीन महिलाको मानवसेवा आश्रमको पहलमा पारिवारिक पुनर्मिलन
वीरगञ्ज। एक वर्षदेखि परिवारको सम्पर्कबाट टाढा रहेकी भारतकी एक महिलाको मानवसेवा आश्रम वीरगञ्जको पहलमा पारिवारिक पुनर्मिलन भएको छ।
खेलकुद
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
सिमरामा अन्तर्राष्ट्रिय आमन्त्रण महिला फुटबल प्रतियोगिता हुँदै
सिमरा । बाराको सिमरामा असोज १० देखि १७ गतेसम्म ‘एक्स्ट्रिम जीतपुरसिमरा अन्तर्राष्ट्रिय आमन्त्रण महिला फुटबल प्रतियोगिता’ हुने भएको छ।
तपाईको प्रतिक्रिया