युवाहरू मुलुकका भविष्य हुन्, त्यसैले उनीहरूको आवाजलाई सधैँ प्राथमिकतामा राख्नेछुः एमाले उम्मेदवार यादव
वीरगन्ज। आगामी फागुन २१ मा हुने प्रतिनिधिसभा निर्वाचनलाई लक्षित गर्दै पर्सा निर्वाचन क्षेत्र नम्बर–१ मा जेन–जी पुस्ता र विद्यार्थी समूहको राजनीतिक सक्रियता तीव्र बन्दै गएको देखिएको छ।
यसैक्रममा सो क्षेत्रका युवाहरूले नेकपा एमालेका उम्मेदवार प्रदीप यादवलाई विजयी गराउने साझा प्रतिबद्धता जनाएका छन्।
बुधबार साँझ वीरगन्जमा आयोजना गरिएको एक अनौपचारिक तर अर्थपूर्ण छलफल कार्यक्रममा विभिन्न वडाबाट आएका युवा तथा विद्यार्थीहरूले एमाले उम्मेदवार यादवलाई समर्थन गर्ने स्पष्ट संकेत दिएका हुन्।
कार्यक्रममा सहभागी युवाहरूले यस निर्वाचनलाई केवल पार्टीगत प्रतिस्पर्धा नभई नेतृत्वको मूल्यांकनको अवसरका रूपमा लिएको बताएका छन्।
कार्यक्रममा वीरगन्ज महानगरपालिकाका मेयर राजेशमान सिंहको उपस्थितिसँगै उम्मेदवार यादव पनि सहभागी थिए। छलफलका क्रममा युवाहरूले यादवलाई “चुनावमा मात्र देखिने नेता नभई संकटका बेला जनतासँग उभिने प्रतिनिधि” का रूपमा चित्रण गरे।
उनीहरूका अनुसार विगतमा खानेपानी संकट, महामारी तथा विपद्का समयमा यादवको प्रत्यक्ष संलग्नता स्थानीयस्तरमै अनुभूत गरिएको थियो।
कार्यक्रममा बोल्दै पूर्व मन्त्रीसमेत रहेका प्रदीप यादवले आफूलाई जनताले सधैँ परीक्षण गर्दै आएको उल्लेख गरे। उनले राजनीतिक जीवनमा संकटका बेला पछि नहट्ने प्रतिबद्धता नै आफ्नो परिचय भएको दाबी गरे।
हैजा, कोरोना महामारी र खानेपानी अभावजस्ता समस्यामा आफू निरन्तर मैदानमै रहेको उनले स्मरण गराए।
यादवले युवालाई केवल मतदाताको रूपमा नभई नीति निर्माणका साझेदारका रूपमा हेर्ने धारणा राखे।
रोजगारी सिर्जना, सीपमूलक शिक्षा र स्थानीय विकासलाई प्राथमिकतामा राख्दै काम गर्ने प्रतिबद्धता दोहोर्याउँदै उनले भने, “निर्वाचन जित्नु लक्ष्य हो, तर त्योभन्दा ठूलो लक्ष्य पर्साको दीर्घकालीन विकास हो।”
कार्यक्रममा वीरगन्ज–५ का वडाध्यक्ष प्रदीप चौरसिया, एमालेका वरिष्ठ तथा स्थानीय नेताहरूको समेत उपस्थिति रहेको थियो। पछिल्लो समय पर्सा–१ मा युवा केन्द्रित राजनीतिक गतिविधि बढ्दै जानुले निर्वाचन परिणाममा निर्णायक प्रभाव पार्न सक्ने संकेत देखिएको छ।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
धार्मिक तथा सांस्कृतिक संवेदनशीलतालाई ध्यानमा राख्दै परीक्षा मिति पुनःनिर्धारण गर्न माग
जनकपुरधाम । पूर्वगृह राज्यमन्त्री मोहम्मद रिजवान अन्सारी नेतृत्वको नेपाल संघीय समाजवादी पार्टीले मधेश प्रदेशमा सञ्चालन हुने लोकसेवा आयोगको परीक्षा मिति सार्न मांग गरेको छ ।
चितवनमा रगतको चरम अभाव, रेडक्रस सोसाइटीद्वारा रक्तदान गर्न अपिल
चितवन । चितवन जिल्लामा रगतको चरम अभाव भएको छ । यससंगै नेपाल रेडक्रस सोसाइटी चितवन शाखाले रक्तदानका कार्यक्रम गरिदिन अपिल जारी गरेको छ ।
खेलकुद
नारायणी रङ्गशालाको प्याराफिट पुनर्निर्माण कार्यको सचिव शिवजी गुप्ताले गरे शिलान्यास
वीरगञ्ज । वीरगञ्जस्थित नारायणी रङ्गशालाको प्याराफिट पुनर्निर्माण कार्यको मधेश प्रदेश खेलकुद परिषदका सदस्य सचिव सचिव शिवजी गुप्ताले शिलान्यास गरेका छन ।
एनपीएल सिजन–२ ,काठमाडौँ गोर्खाजको विजयी सुरुआत
काठमाडौं । दोस्रो संस्करणको नेपाल प्रिमियर लिग (एनपीएल) क्रिकेट मा काठमाडौँ गोर्खाजले विजयी सुरुआत गरेको छ। जनकपुर बोल्ट्सले दिएको १३१ रनको लक्ष्य काठमाडौँले १८ ओभरमै ५ विकेट गुमाउँदै पूरा गर्यो।
तपाईको प्रतिक्रिया