बीरगंजबाट चार प्रर्दशनकारी पक्राउ, प्रहरी कस्टडीमा यातना दिएको आरोप

इसीमाना सम्वाददाता २०८० चैत २३ गते ०५: ४१ मा प्रकाशित 401 पटक पढिएको

बीरगंज । प्रहरीले केही प्रर्दशनकारीलाई हिरासतमा राखेर यातना दिएको आरोप लगाइएको छ । स्थानीय प्रशासनले मुद्धा दर्ता गरेर आरोपी बिरुद्ध कुनै अनुसन्धान नगरेको भन्दै बिरोधमा उत्रिएका प्रर्दशनकारीलाई प्रहरीले नियन्त्रणमा लिएको हो ।

टायर बालेर बिरोधमा उत्रिएका प्रर्दशनकारी मध्यका चार जनाई प्रहरीले आफनो कस्टडीमा लिएको पर्सा प्रहरीले जनाएको छ । प्रहरीले बरकत अली,महम्मद नौसाद,शेख रमजान र महम्मद अफताबलाई आफ्नो कस्टडीमा लिएको हो ।

उनीहरुको गिरफ्तारी बिरुद्ध पनि बीरगंजमा प्रर्दशन गरिएको छ । प्रर्दशनकारीहरु जिल्ला प्रहरी कार्यालयमा नारावाजी सहित पुगेका थिए । उनीहरुले पर्साका प्रमुख जिल्ला अधिकारी र प्रहरी प्रमुख बिरुद्ध नारावाजी गरेका थिए ।

प्रहरीले नियन्त्रणमा लिएका आफना साथीहरुलाई हिरासत भित्र यातना दिएको महम्मद शाहबुदिनले आरोप लगाएका छन । उनले प्रर्दशन गर्न पाउने प्रजातातान्त्रिक अधिकारलाई प्रहरीले बन्देज लगाएर अभिब्यक्तिको अधिकार कुण्ठीत गरेको आरोप लगाए । पर्सा प्रहरीले भने अहिले सम्म प्रर्दशनकारीहरुका बिषयमा के गर्ने भन्ने कुनै निर्णय नलिएको स्रोतले जनायो ।

पर्सा प्रहरीले कुनै यातना नदिएको पर्साका डिएसपी केशब न्यौपाने जनाए । बीरगंज महानगरका प्रमुख राजेशमानसिंह बिरुद्ध दर्ता भएको मुद्धामा कारवाही नभएको भन्दै स्थानीय प्रशासका बिरुद्ध बीरगंजमा दिनहु एउटा समुहले बिरोधमा बिभिन्न कार्यक्रम गर्दै आएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।