अनमोलको ‘क्याप्टेन’ कार्तिक १६ मा आउने

8/28/2018 गते 00 00 मा प्रकाशित 2573 पटक पढिएको

काठमाण्डौ १२ भदौ ।
गएको वर्ष प्रदर्शनमा आएको फिल्म ‘कृ’ पछि दर्शकमाझ सुपरस्टार अनमोल केसी अभिनीत छैटौं फिल्म ‘क्याप्टेन’ को व्यग्रताका साथ प्रतिक्षा भइरहेको छ ।गत शनिवार सार्वजनिक भएको फिल्मको पोस्टरले फिल्मप्रति झनै कौतुहलता बढाएको छ ।

फिल्ममा अनमोल पहिलो पटक फुटबल खेलाडीको भूमिकामा देखिँदैछन् । गाउँदेखि राष्ट्रिय स्तरको खेलाडी बन्न एउटा युवाले गरेको संघर्षको कथा फिल्ममा समेटिएको छ । त्यो सघर्षको कथा क्याप्टेनले बोलने छ ।

दीवाकर भट्टराई निर्देशित फिल्मको निर्माण भुवन केसीले गरेका छन् । पोस्टर सार्वजनिक भएपनि निर्माण टिमले फिल्मको प्रदर्शन मिति अझै घोषणा गरेको छैन । अहिले उक्त फिल्म कात्तिक १६ मा आउने चर्चा छ ।

फिल्मको गीत चाडै नै रिलीज गर्ने निर्माण पक्षको तयारी रहेको छ ।

वितरक मनोज राठीले फिल्मको रिलिज डेटको विषयमा बोल्न चाहेनन् । उनले केही दिनमा सार्वजनिक गरिने गीतमा रिलिज डेट राखिने बताए । क्याप्टेनको सम्पूर्ण छायांकन भने मंगलवार बाट सकिने बताइएको छ ।

यस फिल्ममा अभिनेता अनमोलले दुई नव अभिनेत्रीसँग स्क्रिन साझेदारी गरेका छन् । उनको अपोजिटमा उपासना सिंह ठकुरी र प्रियंका एमभी छन् । फिल्मको कथा सामिप्यराज तिमल्सिनाले लेखेका हुन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।