अनुप र सुरभीको ‘कान्छी आउन’ सार्वजनिक

7/24/2018 गते 00 00 मा प्रकाशित 2465 पटक पढिएको

बीरगंज, ९ साउन । पछिल्लो समय रोमान्टिक गायकका नामले परिचित गायक तथा संगितकार अनुप तिवारी र सुरभि मिश्राले सफलता अर्को खुड्किला पार गरेका छन् । निर्देशक रणधिर श्रेष्ठद्वारा निर्देशीत भिडियो ‘कान्छी आउन’ सोमबार युट्युवमा सार्वजनिक भएको छ ।

अनुप तिवारी र सुरभि मिश्राको स्वर रहेको गीतलाई संगीत पनि गायक तथा संगीतकार अनुप तिवारीकै रहेको छ । रास प्रोडक्सनको पोस्ट प्रोडक्सनमा निर्माण भएको सुन्दर गीतका लागि ड्रोन क्यामेरा समेतको प्रयोग गरिएको छ । आकाशबाट खिचिएको भिडियोमा निर्देशक तथा ड्रोन अपरेटर समेत रहेका श्रेष्ठले सुन्दर दृश्य भिडियोमा कैद गरेका छन ।

क्यामेराम्यान अच्युत श्रेष्ठले छायांकन गरेको यस भिडियोमा अशोक अर्यान यादव र अम्बिका पुनले अभिनय गरेका छन गीतलाई सोमबार नेपाल टेलिभिजनको एनटिभि प्लस च्यानलबाट बेलुका ५ बजे प्रिमियर गरिएको थियो । प्रिमियर सोमा निर्देशक श्रेष्ठ मोडल यादव लगायतको उपस्थिति थियो ।

बुढासुब्बा म्युजिकले युट्युवमा सार्वजनिक गरेको यस गीतका लागि एरेन्ज पुरुषोत्तम सुवेदीले गरेका हुन । स्विमिङ्ग पुल, झलुङे पुल लगायत धेरै सुन्दर स्थानहरुमा खिचिएको भिडियो एकपटक हेर्नै पर्ने बनेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।