नेपाली चलचित्रमा डेब्यु गर्दै युवराज केशरी

9/26/2017 गते 00 00 मा प्रकाशित 2872 पटक पढिएको

वीरगञ्ज विगत ५ वर्षदेखि मोडेलिङ्ग क्षेत्रमा क्रियाशिल रहेका नायक युवराज केशरी चाँडै नयाँ अवतारमा देखिने भएका छन् । मायालु तिमी, जिन्दगीमा, तिमीलाई देखेर, तिम्रो खुशीमा, म जुन तिमी तारा, मलाई उनी मन पर्यो लगायत आधा दर्जन म्युजिक भिडियो र टिभिसीमा अभिनय गरिसकेका नायक केशरी ठुलो पर्दामा देखिने पक्कापक्की भएको छ । केही दिनअघि काठमाण्डौमा सम्पन्न अडिसनमा, निर्माण हुन लागेको नेपाली चलचित्रको प्रमुख पात्रहरुमध्ये एकका लागि उनलाई छनौट गरिएको बताइएको छ । मिस्टर हैण्ड्सम् वीरगञ्ज २०१४ को उपाधी जितेदेखिनै मोडेलिङ्गमा क्षेत्रमा लागेका उनले अहिलेसम्म मोडेलिङ्ग क्षेत्रलाई आफनो धेरै उत्कृष्ट सृजनाहरु समर्पित गरिसकेका छन् । पछिल्लो समय सर्वजनिक भएको उनको म्युजिक भिडियो म जुन तिमी तारा दर्शक श्रोताद्धारा निकै नै रुचाइएको थियो । त्यसैगरि उनले वीरगञ्जकै पहिलो सर्ट मुभि साइलेन्ट लभमा पनि अभिनय गरेका छन् । यसभन्दा फरक उनले वीरगञ्जकै पहिलो टिभिसि एडमा पनि अभिनय गरेका छन् । म्युजिक भिडियोहरुमा अभिनय गरि मोडेलिङ्गमा लामो अनुभव बटुलिसकेका नायक युवराज केशरीले चलचित्रमा उत्कृष्ट अभिनय गर्ने बताएका छन् । एक कुशल मोडेल, सबल व्यवस्थापक र उत्कृष्ट आयोजक युवराज केशरी आगामी चलचित्रमा पुर्ण रुपमा नयाँ रुपमा देखिने भएका छन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।