मिशाल बनाउँदै गायकद्वय तिवारी र मिश्र

4/19/2017 गते 00 00 मा प्रकाशित 1453 पटक पढिएको

वीरगञ्ज, ६ वैशाख । पछिल्लो समय रोमान्टिक गायकका नामले परिचित गायक तथा संगितकार अनुप तिवारीले सफलता अर्को खुड्किला पार गरेका छन् । चिरपरिचित यूट्युब न्यानल संग्स् नेपालले हरेक वर्ष प्रदान गर्दै आएको मोष्ट रोमान्टिक संग अफ दि इयरू पुरस्कारबाट गायक तिवारीका दुवै गीत पुरस्कृत भएका छन् । गायक तथा संगीतकार अनुप तिवारीको शब्द, स्वर र संगितमा रहेको उनको पहिलो गीत म जुन तिमी तारा वर्ष २०७३ को सर्वोत्कृष्ट ७ औ
गीतको रुपमा पुरस्कृत भएको छ भने उनको दास्रो गीत एक मिशाल वर्ष २०७३ को दोस्रो सर्वोत्कृष्ट गीतको रुपमा पुरस्कृत भएको छ । उनको दोस्रो गीत एक मिशालमा उनकै शब्द र संगीत रहेको छ भने सुरभी मिश्र र अनुप तिवारीको स्वर रहेको छ । वर्ष २०७३ मा संग्स् नेपाल मार्फत सार्वजनिक भएका गीतहरुमध्ये उत्कृष्ट गीतहरुलाई सम्मान गरिदै आइएको छ ।
गायक तिवारीको पहिलो गीत म जुन तिमी ताराको भिडियो वीरगञ्जमै निर्माण भएका भिडियोहरुमध्ये युट्य्बमा कम समयमा सबभन्दा दर्शक रिझाउने पहिलो भिडियो बन्न सफल भएको थियो । यसैगरि उनले आफनो दोस्रो गीत एक मिशालको भिडियो हालै सार्वजनिक गरेका छन् ।
गायक अनुप तिवारी र मिश्रले वीरगञ्जमै पहिलो पटक यो पुरस्कार पाएका हुन । गायकद्वयले आफनो सांगितिक यात्रामा साथ दिने सबै लाई धन्यवाद दिएका छन।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।