एमालेको समृद्धिकालागि संकल्प यात्रा पुरा,चिवाभञ्ज्याङको जंगे पिलरमा एमाले अध्यक्ष ओलीले फहराए राष्ट्रीय झण्डा
पाँचथर । नेकपा एमालेका अध्यक्ष एवं पूर्व प्रधानमन्त्री केपी शर्मा ओलीले पाँचथरको चिवाभञ्ज्याङको जंगे पिलरमा नेपालको राष्ट्रिय झण्डा फहराएका छन ।
आइतबार मध्यान्ह चिवाभञ्ज्याङको जंगे पिलरमा चन्द्र सूर्य अंकित राष्ट्रिय झण्डा झण्डोत्तलन गरेर अध्यक्ष ओलीले पार्टीको १८ दिने संकल्प यात्राको समापन गरेका हुन ।
झुलाघाट चिवाभञ्ज्याङ समृद्धिका लागि संकल्प यात्राको अन्तिम बिन्दु ३ हजार २ सय मिटर अग्लो त्यस ठाउँमा राष्ट्रिय झण्डा स्थायी रुपमा नै राख्नेगरी एमालेले खम्बाको व्यवस्था गरेको हो ।
समापन समारोहमा संकल्प यात्राका क्रममा हस्तान्तरण गरिएका राष्ट्रिय झण्डा अध्यक्ष ओलीलाई हस्तान्तरण गरिएको छ ।
मध्यपहाडको आर्थिक, सामाजिक, सांस्कृतिक, धार्मिक अवस्था तथा उद्योग, पर्यटन लगायतको सम्भावना बुझ्न अध्यक्ष ओलीको नेतृत्वमा वरिष्ठ उपाध्यक्ष ईश्वर पोखरेल, उपाध्यक्षहरू महासचिव शंकर पोखरेल, उपमहासचिवहरू, सचिवहरू, स्थायी कमिटी, पोलिटब्युरो, केन्द्रीय कमिटी सदस्यहरू, प्रदेश कमिटी लगायतका नेताहरू, प्राविधिक, विज्ञ सम्मिलित टोलीसहित एमालेले संकल्प यात्रा गरेको हो ।
संकल्प यात्राका क्रममा एमालेको संकल्प टोलीले सुदूरपश्चिम, कर्णाली, लुम्बिनी, गण्डकी वाग्मती र कोशीका विभिन्न जिल्लाको यात्रा गरेको थियो । यात्राका क्रममा मध्यपहाडी राजमार्गमा भित्रका २६ र बाहिरका ४ गरेर ३० वटा जिल्लाका जनतासँग एमालेले प्रत्यक्ष संवाद गरेको थियो । संवादका क्रममा एमालेले सुझाव लिएको छ । त्यस ठाउँका जनताले ध्यानाकर्षण पत्र, मागपत्र पनि पेस गरेका थिए । एमालेले सर्वदलीय संवाद पनि गरेको थियो ।
एमालेले मध्यपहाडी राजमार्गमा पर्ने बैतडी, डडेल्धुरा, डोटी, अछाम, दैलेख, जाजरकोट, पश्चिम रुकुम, पूर्वी रुकुमको यात्रा गरेको थियो ।बाग्लुङ, पर्वत, कास्की, लमजुङ, धादिङ, नुवाकोट हुँदै काभ्रेपलाञ्चोक र सिन्धुपाल्चोकको यात्रा पनि संकल्प टोलीले गरेको थियो । रामेछाप, सिन्धुली, ओखलढुंगा, खोटाङ, भोजपुर, धनकुटा हुँदै यात्रा टोली तेह्रथुमबाट मंसिर ३० गते पाँचथर पुगेको थियो ।
मध्यपहाडी राजमार्गले नछुने गुल्मी, सुर्खेत, सल्यान र दोलखाको यात्रा समेत एमालेको संकल्प टोलीले गरेको थियो ।
सम्बन्ध स्थानीय(सन्देश राष्ट्रिय भन्ने नारासाथ मंसिर १४ गते बैतडीको झुलाघाटमा राष्ट्रिय झण्डा झण्डोत्तलन गरेर संकल्प यात्रा सुरु गरिएको थियो ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया