सामाजिक संजाल मार्फत चरित्र हत्या गर्ने बिरुद्ध कानूनी उपचारमा जान्छुः पोखरिया नगरपालिकाका प्रमुख चौहान

इसीमाना सम्वाददाता २०८० बैशाख २४ गते ०९: १४ मा प्रकाशित 337 पटक पढिएको

वीरगञ्ज । पर्साको पोखरिया नगरपालिकाका मेयर प्रदुम्न चौहानले सामाजिक सञ्जाल फेसबूकमा आफ्ना बिरुद्ध अर्नगल लेख्नेहरुको बिरुद्ध काूनूनी उपचारको बाटो अख्तियार गर्ने बताएका छन ।

उनले एक प्रेस बिज्ञप्ति जारी गर्दै जथाभावी लेख्नेहरुलाई कानुनको दायरमा ल्याउने मात्र नभई उनीहरुको बिग्रेको मानसीक सन्तुलनको समेत उपचार गरिने बताएका छन ।

नगरप्रमुख चौहानले पूर्वाग्रही भएर सामाजिक संजालको दुरुपयोग गर्नेहरुलाई आफ्नो बारेमामा जथाभावी नलेख्न चेतावनी पनि दिएका छन् ।

पोखरिया नगरपालिकामा लामो समयदेखि प्रमुख प्रशासकीय अधिकृत नहुँदा उत्पन्न समस्याको विषयलाई लिएर सामाजिक सञ्जाल फेसबूकमा आफूप्रति अमर्यादीत किसिमका टिप्पणी भइरहेको भन्दै मेयर चौहानले त्यसो नगर्न आग्रह सहितको चेतावनी दिएका हुन् ।

पोखरिया नगरपालिकामा प्रमुख प्रशासकीय अधिकृतको सन्दर्भमा देखा परेको समस्या हल हुने र त्यसबाट परेको नराम्रो प्रभावलाई छिट्टै हल गर्ने गरि काम गर्न सकनिे बिश्वास नगरप्रमुख चौहानले ब्यक्त गरेका छन ।

उनले पोखरियाको बिकासमा आफनो अर्जुन दृष्टि रहेको उल्लेख गर्दै सबै नागरिक र राजनीतिक क्षेत्रसंग समेत सहयोगाकालागि आग्रह गरेका छन ।

जनता र कर्मचारी मैत्री प्रमुख प्रशासकिय अधिकृत ननगरपालिकामा नआउँदा समस्या भएकोले अब भने त्यो समस्यापनि छिट्टै सम्बोधन हुने उनको विश्वास छ ।

नगरप्रमुख चौहानले प्रमुख प्रशासकिय अधिकृत सम्बन्धी समस्या छिटै हल हुने बताएका छन । एक महिना खेर गयो उनले लेखेका छन हामी नियमित रुपमा पोखरि।या नगरपालिकाको बिकासमा अगाडि बढने छौ ।

उनले काठमाण्डौबाट फर्किएपछि पोखरिया नगरपालिाका १ वर्षमा भएको गतिविधिको सन्दर्भ जोडेर पत्रकार सम्मेलन मार्फत जनातालाई जानकारी गराउने बताएका छन ।

प्रशासकीय अधिकृतको अनुपस्थितिले बितेको एक महिनामा सबैलाई चिन्तित बनायो तर म बिश्वास दिलाउन चहान्छु समय र परिस्थितिले सृजना गरेको एउटा बाध्यात्मक परिस्थितिलाई पनि सामना गर्दै नागरिकको हितमा पोखरिया नगरपालिका निरन्तर अगाडि बढने छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।