देशका छ वटै महानगरमा एमाले बिजयी हुने एमाले नेता पोखरेलको दावी

इसीमाना सम्वाददाता २०७९ बैशाख २७ गते ०९: ३० मा प्रकाशित 618 पटक पढिएको

नेकपा एमालेका उपाध्यक्ष ईश्वर पोखरेलले नीति, सिद्धान्त नमिले पनि गठबन्धनको नाममा सत्ताधारी दलहरु एक ठाउँमा पोको परेको बताए । बीरगंजमा पार्टीले आयोजना गरेको सभामा बोल्दै नेता पोखरेलले एमालेलाई सिध्याउने उनीहरुसंग एक मात्र उद्धेश्य रहेको बताए । के.पी.ओलीले नेतृत्व गरेको एमाले उनीहरुकोलागि फलामको चिउरा भएको छ ।

एमालेलाई सिध्याउने नेता पोखरेलले भने माधवकुमार नेपाल, शेरबहादुर देउवाहरु एमालेलाई सिध्याउने सपना नदेख, केपी ओली नेतृत्व गरेको एमाले सिध्दिदैन, एमाले हिजोभन्दा अझ सशक्त भएर मुलुकको नेतृत्वदायी भूमिकामा आफ्नो उपस्थित गर्नेछ ।’
बीरगंजका नागरिकलाई मुलुकका अन्य ५ महानगर एमालले जित्ने सन्देश दिदै नेता पाखेरलेले बीरगंज महानगरपालिका पनि एमालले जित्ने तपाईहरुको जनताको सहभागिताले देखाएको बताए ।

बेला बेलामा हिन्दीसमेत बोलेका नेता पोखरेलले छिमेकी मुलुक भारतका प्रधानमन्त्रीसँग आँखामा आँखा जुधाएर बोल्न सक्ने व्यक्ति केपी ओली मात्रै भएको दावी गरे ।
नेता पोखरेलले वीरगञ्ज महानगरपालिकाको मेयरमा एमालेका उम्मेदवार विजयकुमार सरावगीले वीरगञ्जबासीको सपना पूरा गर्ने बताए ।

‘विजय सरावगीको तीन वटा कुराबाट म प्रभावित छु, एउटा विकास प्रेमी निष्कलंक मान्छे, मलाई लोभ लाग्थ्यो, यति राम्रो मान्छे एमालेमा आए हुन्थ्यो भन्ने लाग्थ्यो, आउनु पनि भयो’ उनले भने ।

कार्यक्रममा पूर्व मन्त्री, सांसद एवं लोसपाका नेता बिमल श्रीवास्तवले वीरगञ्जको विकास चाहने कि विनाश रोज्ने भन्ने निर्णय गर्ने घडी आएको बताए । उनले स्थानीय चुनावका लागि नभएर आफ्नो र सन्तानको कुर्सी जोगाउन सत्ताधारी दलका नेताले गठबन्धन गरेको बताए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।