भारतमा संक्रमीतको संख्या ७ हजार नाघ्यो,दुई सय छयालीसको ज्यान गयो

4/10/2020 गते 00 00 मा प्रकाशित 1218 पटक पढिएको

बीरगंज २८ चैत ।

भारतमा कोरोना भाइरसको संक्रमितको संख्या शुक्रवार राती साढे नौ बजे सम्म ७ हजार ३ सय ४७ पुगेको छ ।

पछिल्लो १२ घण्टामा मात्रै १९ जनाले ज्यान गुमाएका छन् । त्यसैगरी ६ सय १८ जना नयाँ संक्रमित थपिएका छन्। अहिलेसम्म २ सय ४५ जनाको मृत्यु भइसकेको छ भने संक्रमितमध्ये ६ सय ९५ जना निको भएर घर फर्किसकेका छन्।

महाराष्ट्रमा सबैभन्दा बढी संक्रमित भेटिएका छन्। महाराष्ट्रमा मात्रै १ हजार ३ सय ६४ कोरोना संक्रमित पाइएका हुन्।

त्यसैगरी महाराष्ट्रमा मात्रै १ सय ८नाको मृत्यु भएको त्यहाँको स्वास्थ्य मन्त्रालयले जनाएको छ । महाराष्ट्रमा ३० हजार ब्यक्तिमा कोरोना भाइरसको संक्रमणको परिक्षण गरिएको थियो । कोरोना रोकथामका लागि भारत सरकारले तीन साताका लागि लकडाउन गरेको छ ।

आज शुक्रवार सबैभन्दा बढी १ सय ८३ जना संक्रमीतहरु दिल्लीमा फेला परेका छन । दिल्लीमा संक्रमीतको संख्या ९ सय ३ पुगेको छ ।

१३ जनाको ज्यान गएको छ । दिल्लीमा ९ हजार बढीको कोरोना भाइरसको परिक्षण भएको छ । आज गुजरातमा १ सय १६ जना नयाँ संक्रमीत फेला परेका छन । गुजरातमा १९ जनाको ज्यान गएको छ ।

गुजरातमा ७ हजार ५ सय बढीमा कोरोना भाइरसको परिक्षण भएको थियो । बिहारमा संक्रमीतको संख्या ६० पुगेको छ भने उत्तरप्रदेशमा ४ सय ३३ जना संक्रमीत फेला परेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।