बिहारमा एकैदिन १२ संक्रमीत फेला परे

4/9/2020 गते 00 00 मा प्रकाशित 1568 पटक पढिएको

पटना २७ चैत ।
बिहिवार बिहारमा कोरोना भाइरस संक्रमणका १२ नयाँ घटनाको पुष्टि भएको छ । बिहारमा १२ नयाँ संक्रमीतहरु देखा परेपछि त्रास उत्पन्न भएको छ । अहिले बिहार भरिमा कोरोना भाइरसका संक्रमीतहरुको संख्या ५१ पुगेको छ ।

१ जनाको ज्यान गएको छ । १५ जना संक्रमीतहरु उपचार पछि घर फर्किएका छन । बिहारको सिवान जिल्ला कोरोना भाइरसको संक्रमणको हॉटस्पॉट बनेको छ ।

आज पुष्टि भएका मध्य १० जना सिवान जिल्लाका संक्रमीत रहेका छन । सिवान जिल्लामा २० जना संक्रमीत रहेका छन । जसमा चार जना ठिक भएका छन ।

आज पुष्टि भएका मध्य नौ जना एकै परिवारका रहेका छन । नौ जना रघुनाथ प्रखण्डको एउटा गाउको हो भने अर्का एक जना अर्को प्रखण्डका छन ।

उनी दुवई बाट फर्किएका हुन । एकै परिवार नौ जना जो संक्रमीत छन त्यो परिवारका एक जना हालै ओमान बाट फर्किएका थिए । संक्रमीतहरुमा सात महिला र दुई पुरुष रहेका छन ।

सिवानमा फेला परेका अर्का संक्रमीत १७ मार्चामा दुबईबाट फर्किएका थिए ।

बेगुसरायमा पनि दुई जना संक्रमीत फेला परेका छन । उनीहरुको ट्राभल हिस्ट्रीका बारेमा स्वास्थ्य बिभागले खोजी गरिरहेको छ । उनीहरु कहि बिदेश बाट आएकाहरुको सम्पर्कमा आएका थिए कि थिएनन खोजी हुदै छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।