स्पेन १३ चैत। नोवेल कोरोना भाइरस (कोभिड१९) का कारण स्पेनका बद्वबृद्वाहरूले आश्रममा शव संगै रात विताउने गरेका छन् ।

कोरोना भाइरसको महामारीले विशेषगरी बृद्वाश्रमहरूमा ठूलो संख्यामा मानविय क्षति पुर्याएको छ ।
मार्च १६ मा राजधानी म्याड्रिडको एक “मोन्ते एर्मोसो” नामको बृद्वाआश्रममा एकै दिन २० जनाको मृत्यु भयो ।

 
स्पेनमा  बृद्वाआश्रमहरुमै बढी मृतकको संख्या  देखिएको छ। तथ्यांक अनुसार मृतकहरु मध्य ८७दशमलव ५० प्रतिशत ७० बर्ष भन्दा बढी उमेरका र दिर्घरोगी भएको बताइएको छ ।  ३७ देखि ३९ वर्षिय स्पेनी सुरक्षाकर्मीहरुको समेत मृत्यु भएको छ ।  करिब २ हजार जना स्वास्थ्यकर्मीहरु समेत संक्रमित भएको कुरा  पुष्टि भएको छ।

९ फेब्रुअरीमा  मायोर्कामा पहिलो ब्यक्तिलाई कोरोन भाइरस पोजिटिभ भेटेपछि २४ फेब्रुअरीमा कानारिया टापुको तेनेरिफेमा दोस्रो संक्रमित ब्यक्ति   फेला परेको थियो ।  स्पेनकै भ्यालेन्सिया शहरमा १३ फेब्रुअरीमा नेपाल भ्रमण गरेर फर्किएका स्पेनी नागरिकको ३ मार्चमा कोरोना भाइरस संक्रमणबाट मृत्यु भएको पुष्टि गर्दै खबर सार्वजनिक भएको थियो ।

स्पेनमा सबै शहरहरुको तुलनामा राजधानी म्याड्रिडमा सबैभन्दा बढी संक्रमित र मृत्युदर उच्च रहेको छ। संक्रमित र मृत्युदर दिनानुदिन बढ्दै गएपछि सरकारले पुन थप २२ मार्चको दिन थप १५ दिनको लागि संकटकाल बढाउने  प्रधानमन्त्री पेद्रो सान्चेसले एक टेलिभिजन कार्यक्रममा बताएका छन् ।

 संक्रमीतहरूको उपचारमा खटीने स्पेन स्वास्थ्यकर्मी बढी मात्रामा संक्रमित हुने देशमा पहिलो नम्बरमा परेको छ  । स्पेनमा  १३दशमलव५ प्रतिशत स्वास्थ्यकमी संक्रमीत भएका छन  । कोरोना भाइरसको सुरू भएको चीनमा जम्मा ४ प्रतिशत स्वास्थ्यकर्मिहरु संक्रमित भएक थिए भने इटलिमा ९ . ५ प्रतिशत छन। 

 स्पेनमा मंगलबार र बुधबार २४ घण्टामा ७३८ जनाले ज्यान गुमाए संगै आज सम्म ३ हजार ६ सय ४७ जनाले ज्यान गुमाई सकेका छन् ।
अहिले सम्म जम्मा संक्रमितको संख्या ४९ हजार ५सय १५ जना छन् । उपचारपछि निको भई  ५ हजार ३ सय ६७ जना घर फर्किएको जनाइएको छ ।
मृत्यु संग ३१ सय ६६ जनाले संघर्ष गरि रहेका छन् । स्पेनका रक्षामन्त्री मार्गरिता रोब्लेले बृद्धाश्रमहरूमा बूढाबूढीले कोरोना भाइरसको संक्रमणमा उपचार नपाएर सामुहिक रूपमा ज्यान गुमाएको डरलाग्दो खुलासा गरेपछि आश्रमहरूमा  सुरक्षाफौजले ब्यापक छापा मारेर सर्च अभियान चलाएको बताइएको छ । 

स्पेनमा नेपालीहरू सुरक्षित छन ः दावाफुटी शेर्पा
स्पेनमा फैलिएको कोरोना भाइरसबाट अहिले सम्म कोहि पनि नेपाली संक्रमित नभएको राजदुत शेर्पाले बताउनु भयो।
राजदुत शेर्पाले स्पेनमा भएका सबैलाई सुरक्षित घरमै बस्न र संक्रमित भए नियोगमा खबर गर्न सुचना प्रवाह भैईरहेको बताउनु भयो ।एनआरएनए ग्रान क्यानरियाका निवर्तमान अध्यक्ष गगन कुवँरले नेपालीहरुलाई समस्या परेको सूचना मिलेमा सहयोग गर्ने प्रतिवद्धता जनाउनु भएको छ । त्यस्तै 

स्पेन पर्यटन प्रतिनिधि एकराज गिरीले नेपाली समुदायहरूलाई घरमै बसेर स्पेन सरकारलाई सहयोग गरि आफ्नो स्वाथ्यको ख्याल गर्न अनुरोध गर्नु भएको छ । 

यस्तै क्षेत्री समाज स्पेनका संयोजक सोनु राउतले  नेपालीहरूले आपत विपतमा हो प्रवासमा सहरा खोज्ने हो त्यसका लागि आफुले संस्थागत रूपमा अभियान चलाएको दावी गर्नु भयो ।