दन्तेवाडामा माओवादीको आक्रमण बिजेपी बिधायक मंडावी सहित पाँचको मृत्यु

4/9/2019 गते 00 00 मा प्रकाशित 1633 पटक पढिएको

बीरगंज २६ चैत ।

छत्तीसगढ़को दन्तेवाड़ा जिल्लामा बीजेपी विधायक भीमा मंडावीको काफिलामा नक्सली माओवादी कम्युनिष्ट पार्टीका जनमुक्ति सेनाले हमला गरेका छन ।आईईडीको प्रयोग बाट गरिएको बिष्फोटमा परि विधायक भीमा मंडावीको मृत्यु भयो ।

उनीसंगै सीआरपिएफका चार जना जवानको पनि मृत्यु भएको छ । दंतेवाड़ामा ११ अप्रिलका दिन मतदान हुने थियो । दंतेवाड़ा बस्तर लोकसभा क्षेत्रमा पर्दछ ।

दंतेवाड़ाका सबै बरिष्ठ अधिकारीहरु घटनास्थलमा पुगेका छन । प्रहरी प्रशासनले यस बारेमा आधिकारी भनाई सार्वजनीक गरेको छैन । नक्सल प्रभावित क्षेत्रमा बिधायकहरुको सवारी हुदा उनीहरुको सुरक्षाकालागि सीआरपिएफका जवानहरुलाई खटाउने गरिन्छ ।
विधायकको सुरक्षामा एस्कॉर्टमा रहेको गाड़ीलाई निशाना बनाइएको थियो । सीआरपीएफका वजानहरु यही गाडीमा थिए । घटनाका बिषयमा छत्तीसगढका मुख्यमंत्री भूपेश बघेलले मंत्रीपरिषदको आपतकालीन बैठक बोलाएका छन ।

प्रधानमंत्री मोदीले हमलाको निन्दा गर्दै शहीदरुको बलिदानी खेर नजाने बताएका छन । उनले टिवीटरमा ट्विट गर्दै हमलाको निन्दा गरेका छन । उनले मृतक प्रति श्रद्धाञ्जली अर्पण समेत गरेका छन। उनले बिधायकको मृत्युले मेहनती र साहसी नेता गुमाउनु परेको उल्लेख गरेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।