पर्सामा थप ३१ जनामा संक्रमण पुष्टि , ५ सय ८६ जना घर फर्किए

8/29/2020 गते 00 00 मा प्रकाशित 1038 पटक पढिएको

पर्सामा शुक्रवार साँझ सम्मको पछिल्लो तथ्याकं हेर्दा ५ सय ८६ जनाले कोरोना संक्रमणलाई परास्त गरेर घर फर्किएका छन ।

कोभिड अस्पतालमा १ सय ३१ जनाले उपचार गराई रहेका छन भने ८ सय १९ जना होम आइसोलेशनमा रहेका छन । त्यस्तै सामुदायिक आइसोेलेशन केन्द्रमा ३ सय १९ जना रहेका छन ।

नारायणी अस्पतालले शुक्रबार अबेर राति सार्वजनिक गरेको विवरण अनुसार पर्साको वीरगञ्ज महानगरपालिका, पोखरिया नगरपालिका र कालिकामाई गाउँपालिका गरी ३१ जनामा सङ्क्रमण देखिएको छ ।

पोखरिया नगरपालिकाका १० जना, कालीकामाई गाउँपालिकाका ३ जना र बाकी सबै वीरगञ्जको विभिन्न वडाका बासिन्दा हुन ।

त्यसैगरी बाराका ८ जनाज धनुषाका ४ जना, महोत्तरीका ३ जना, रौतहटका १ जना, सर्लाहीका २ जना र काठमाडौँमा १ जनामा पनि सङ्क्रमण पुष्टि भएको अस्पतालले जनाएको छ । सङ्क्रमितमा १५ वर्षका युवादेखि ५६ वर्षका वृद्धसम्म रहेका छन् ।

थपिएका सङ्क्रमितहरुको सिटी भ्यालु १५ देखि ३२ सम्म रहेको नारायणी अस्पतालका प्रवक्ता डाक्टर अटुलेशकुमार चौरसियाले जानकारी दिनु भयो ।अस्पतालमा शुक्रबार ४ सय ४३ जनाको स्वाबको नमुनालाई परीक्षण गर्दा ५ महिलासहित थप ५० जनामा सङ्क्रमण पुष्टि भएको हो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।