बारा जिल्लामा कोरोना भाइरसको संक्रमणको जोखिम बढेसंगै जिलला भरि अनिश्चितकालीन निषेधाज्ञा आदेश जारी

8/16/2020 गते 00 00 मा प्रकाशित 922 पटक पढिएको

बारामा भदौ १ गते बिहान ५ बजेदेखी जिल्ला भरि निषेधाज्ञा लाग्ने भएको छ । यस अघि साउन १८ गते बिहान ५ बजे देखि सीमीत क्षेत्रमा अनिश्चित कालिन निषेधाज्ञाको आदेश जारी गरेको थियो ।

आइतवार सम्पन्न जिल्ला सुरक्षा समितिको बैठकबाट जिल्ला भरि निषेधाज्ञा जारी गरिएको बाराका प्रमुख जिलला अधिकारी रुद्र प्रसाद पंडितले जानकारी दिनु भयो ।

जिल्लामा कोरोना भाइरसको महामारी समुदाय स्तरमा फैलेर उच्च जोखिम सृजना हुँने देखिएकोले त्यसको रोकथाम र नियन्त्रणकोलागि निषेधाज्ञा जारी गरिएको जिल्ला प्रशासन कार्यालय बाराका प्रमुख रुद्र प्रसाद पण्डितले जानकारी दिनु भयो ।

अति आवश्यक सेवाको लागि दैनिक प्रयोग हुने सवारी साधनहरु जस्तैः विद्युत, खानेपानी, खाद्यान्न, दूध, ग्यास, औषधी, एम्बुलेन्स बाहेक अन्य सवारी साधनहरु चारपांग्रे तथा मोटरसाइकल समेत लाई पुर्ण रुपमा संचालन बन्देज लगाउने आदेशमा उल्लेख छ ।

निषेधाज्ञा अवधीभर औषधी पसल २४ सै घण्टा खुल्ला रहने छ । खाद्यान्न, ग्यांस, इन्धन, दूध डेरी पसलहरु, तरकारी पसलहरु मुख्य बजार क्षेत्रमा विकी वितरण नगरी साईकल तथा ठेलागाडामा राखेर मात्र अन्य क्षेत्रमा बिहान ८ बजेसम्म मात्र विक्री वितरण गर्ने ।

छिमेकी मित्रराष्ट्र भारतसंग जोडिएका सिमा नाकाहरुमा आवातजावत पूर्ण रुपमा बन्द गर्ने । सार्वजनीक रुपमा सभा जुलुसहरु गर्न नपाइने ।

मोटरसाइकल लिएर हिडडुल समेत गर्न नपाइने गरि आदेश जारी भएको छ । आदेशको पालना नगरेमा स्थानीय प्रशासन ऐन ०२८ र रोग संक्रामक ऐन २०२० अनुसार कारवाही गरिने समेत आदेशमा उल्लेख छ । आदेशमा औधोगिक करिडरमा रहेका उधोगहरुको बिषयमा के हुने भन्ने बिषयमा उल्लेख छैन । यस अघिको आदेशमामा मापदण्ड पुरा गरेर उधोग संचालन गर्न मिल्ने उल्लेख गरिएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।