चिकित्सक सहित चार स्वास्थ्यकर्मीमा कोरोना भाइरसको संक्रमण पुष्टि,९३ जना संक्रमीत घरमै

7/29/2020 गते 00 00 मा प्रकाशित 1056 पटक पढिएको

वीरगञ्जमा बुधवार गरिएको परिक्षणमा थप १७ जनामा कोरोना भाइरसको संक्रमण पुष्टि भएको छ । नारायणी अस्पतालको प्रयोगशालमा गरिएको परीक्षणमा ४ स्वास्थ्यकर्मी सहित १७ जनामा कोरोना संक्रमण पुष्टि भएको छ ।

बुधवार साँझ आएको परिक्षणको नतिजा अनुसार नारायणी अस्पतालम कार्यरत चार जना स्वास्थ्यकर्मी पनि संक्रमीत भएको अस्पतालका मेडिकल सुपरिडेन्टेन्ट मदन उपाध्यायले जानकारी दिनु भयो

नारायणी अस्पतालका १ जना डाक्टर , २ जना नर्स र १ जना अहेब गरि ४ जना स्वास्थ्यकर्मीमा संक्रमण फेला परेको हो ।

त्यस्तै वीरगन्ज महानगरपालिका वडा नम्बर २५ का ४ जना , वडा नम्बर १२ का ३ जना , वडा नम्बर ५ का २ जना , वडा नम्बर ४ का १ जना , वडा नम्बर ३ का १ जना , पर्साकै छिपहरमाई गाउपालिका २ टिहुकीका १ जना र नारायणी अस्पतालकै संक्रमति कर्मचारीकी १ जना छोरीमा कोरोना भाइरसको संक्रमण पोजेटिभ देखिएको डा. उपाध्यायले जानकारी दिनु भयो ।

संक्रमीतहरुलाई होम आइसोलेशनमा राख्ने तयारी भइरहेको छ । बीरगंज महानगरपालिकाको ब्यवस्थापनमा संचालनमा रहेको गण्डक कोभिड अस्पतालमा ६१ जना संक्रमीतहरुको उपचार भइरहेको छ ।

त्यहा अन्य बिरामी राख्ने शैय्या छैन । पर्सामा ९३ जना कोरोना भाइरसका संक्रमीतहरुलाई घरमै राखिएको छ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।