वीरगंज । वीरगंजमा रहेको सामुदायिक क्याम्पस हरिखेतान बहुमुखी क्याम्पसले हठात स्थगीत गरेको परिक्षा तत्काल संचालन गर्ने निर्णय भएको छ । 

पर्साका प्रमुख जिल्ला अधिकारी भोला दाहालका संयोजनमा भएको बैठकले यस्तो निर्णय गरेको हो । बिद्यालय प्रशासनले स्थगीत गरेको परिक्षा पठन पाठन कार्यक्रम तत्काल संचालन गर्ने सहमती भएको उनले इसीमाना.कम लाई बताए ।

त्यसैगरि परिक्षा स्थगनको बिरुद्ध प्रर्दशनमा उत्रिएका बिद्यार्थीहरुमा गरिएको लाठि चार्ज सहितको दमनका कारण घाइते भएका बिद्यार्थीको उपचार क्याम्पस प्रशासनले गर्ने सहमती भएको प्रजिअ दाहालले बताए । 

वीरगंजको सामुदायिक क्याम्पस हरिखेतान बहुमुखी क्याम्पसमा देखिएको समग्र समस्याको हल निकाल्नकालागि चैत ९ गते क्याम्पस प्रशासन , बिद्यार्थीका प्रतिनिधि र स्थानीय प्रशासन सहितको बैठकमा छलफल गरि निकास खोज्ने सहमती भएको छ ।

त्यही बैठकले क्याम्पसमा देखिएका समस्या र बिद्यार्थीका जायज माँगहरुका सन्दर्भमा  निकास खोज्ने काम हुने उनले बताए ।

प्रशासनको तर्फबाट बिदार्थीको भविष्यमाथि खेलवाड हुन नदिन सचेतता अपनाईएको प्रशासनले यो बिषयलाई गमिभरता पूर्वक लिएको प्रजिअ दाहालले बताए ।

यसैवीच प्रध्यापक सुशिल भट्टराईले  सामाजिक संजाल फेसबुक मार्फत हरिखेतान बहुमुखी क्याम्पसमा देखिएको समस्या समाधानकालागि  वीरगञ्जका सम्पूर्ण चेतनशिल वर्गलाई एकठाउँमा उभिन अपिल गरेका छन ।

उनले ब्यवस्थापन समितिको नाममा क्याम्समा खेतान परिवारको दादागिरी चल्दै आइरहेको प्रति आक्रोश ब्यक्त गरेका छन ।

 संचालक समितिमा खेतान परिवारको एकल सहभागिता नै आजको समस्याको सत्रुधार भएको उनले निष्कर्ष निकालेका छन ।

आजकै घटनामा पनि ब्यवस्थापन पक्षका भनिएका प्रकाश खेतानको भूमिका समेत गुणडको जस्तो देखिएको उनको टिप्पणी छ ।

ग्रिासिटीको अध्यक्ष समेत रहेका खेतान शक्तिको सम्पर्कमा रहेको कारण बिदार्थीको शक्तिलाई नजरअन्दाज गरेको  आफूले महशुस गरेको भन्दै भट्टराईले खेतानलाई बिद्यार्थीको भविष्यसंग खेलवाड नगरिदिन अपिल समेत  गरेका छन । 

क्याम्पसको बरोमा चिन्ता जाहेर गर्दै वीरगंका सामाजिक जीवनमा महत्वपूर्ण भूमिका निर्वाह गर्दै आइरहेका अन्य बुद्धिजीवीहरुले पनि चासो र चिन्ता ब्यक्त गरेका छन ।

 पत्रकार जगत राईले पनि फेसबुकमा स्टाटस लेख्दै हरि खेतान बहुमुखी क्याम्पसमा सामुदायिक भएपनि अहिले निजी क्याम्पस जस्तै हुकुमत चलिरहेको छ भने असन्तोष ब्यक्त गरेका छन ।

पत्रकार ध्रुव साहले पनि फेसबुकमा हाम्रो हरी खेतान लाइ कस्ले बचाउने भनेर गम्भिर  चिन्ता ब्यक्त गरेका छन । 

क्याम्पस प्रशासनले कक्षा ११ र १२ को परीक्षा आइतबारदेखि सञ्चालन हुने तालिका सार्वजनिक गरेको भए पनि बिहानै परीक्षा दिन पुगेका विद्यार्थीलाई मूल गेटमै रोकिएको थियो। आन्दोलनरत शिक्षकहरूले परीक्षा स्थगित गरिएको जनाउँदै विद्यार्थीलाई भित्र प्रवेश गर्न नदिएपछि स्थिति तनावपूर्ण बनेको हो।