एमाले महाधिवेशनमा जनसागर, ओली भन्छन्– यो लोकतन्त्रप्रतिको विश्वास हो
काठमाडौँ । नेकपा एमालेको ११ औँ राष्ट्रिय महाधिवेशनको औपचारिक उद्घाटन भएको छ।
शनिबार भक्तपुरको तीनकुनेस्थित नेपाल ट्रष्टको मैदानमा आयोजित भव्य समारोहबीच पार्टी अध्यक्ष केपी शर्मा ओलीले रिमोटमार्फत पार्टीको झण्डा फहराउँदै ११ औँ राष्ट्रिय महाधिवेशनको उद्घाटन गरेका हुन।
हजारौँ नेता–कार्यकर्ता तथा आम जनसमुदायको उत्साहजनक उपस्थितिमा सम्पन्न उद्घाटन समारोहसँगै नेकपा एमालेको ११ औँ महाधिवेशन औपचारिक रूपमा सुरु भएको छ। महाधिवेशनको बन्दसत्र भने भोलि र पर्सि काठमाडौँको भृकुटीमण्डपमा हुने छ, जहाँ नयाँ नेतृत्व चयन गरिने छ।
उद्घाटन समारोहलाई सम्बोधन गर्दै अध्यक्ष ओलीले धुवाँ, खरानी र निषेधका सबै प्रहारलाई चिर्दै नेकपा एमालेको पक्षमा जनलहर उर्लिएको दाबी गरे।
उनले महाधिवेशनमा उपस्थित जनसागर, सागरको एक थोपा मात्र भएको उल्लेख गर्दै नागरिकको यो उपस्थितिले लोकतन्त्र र एमालेप्रतिको जनविश्वास झल्किएको बताए ।
‘लोकतन्त्र अजेय छ, नेकपा एमाले अजम्मरी छ,’ अध्यक्ष ओलीले भने।
उनले लोकतन्त्र र जनताको हितमा समर्पित शक्तिका रूपमा नेकपा एमालेलाई निर्णायक शक्ति बनाउनु आवश्यक रहेको बताउँदै देशलाई समृद्ध र सुखी बनाउने गन्तव्यतर्फ पार्टी दृढतापूर्वक अघि बढेको स्पष्ट पारे ।
एमालेको सङ्कल्प राजनीतिक स्टन्ट नभई व्यवहारमा उतार्न गरिएको प्रतिबद्धता भएको उल्लेख गर्दै ओलीले सुशासन र विकास चाहने सम्पूर्ण शक्तिले एमालेलाई साथ दिएको र दिने दाबी गरे । कम्युनिष्ट पार्टी जति बलियो हुन्छ, त्यति नै राष्ट्रियता बलियो हुने उनको भनाइ थियो।
आठ दशक लामो गौरवशाली यात्रामा नेपाली कम्युनिष्ट आन्दोलनले महत्वपूर्ण मानक स्थापित गरेको उल्लेख गर्दै ओलीले नेकपा एमाले सामाजिक न्याय, समावेशिता र जनमुखी विकासको अगुवा भएको बताए । एमालेकै कारण नागरिकको जीवनस्तर सुधारको आधार तयार भएको उनले दाबी गरे ।
राष्ट्रिय राजनीतिमा सबै क्षेत्रको समावेशिता स्थापित गर्न एमालेको महत्वपूर्ण भूमिका रहेको उल्लेख गर्दै अध्यक्ष ओलीले नेपाली विशेषतासहितको समाजवाद निर्माणमा पार्टी अग्रसर रहेको बताए । एमाले गाउँमुखी, जनसहभागितामूलक विकास र ठूला विकास योजनाको अभियन्ता मात्र नभई स्वप्नद्रष्टा पार्टीसमेत भएको उनका े भनाइ थियो।
अध्यक्ष ओलीले ११ औँ राष्ट्रिय महाधिवेशनले पार्टीभित्र एकताको सशक्त सन्देश दिने विश्वास व्यक्त गरे । महाधिवेशनको अभियान देश जोगाउने अभियान भएको उल्लेख गर्दै उनल े यसको उपस्थितिलाई कसैले कमजोर आँक्न नहुने चेतावनी दिए ।
‘एक र एक मिलेर मात्र ११ बन्छ, छुट्टिँदा फगत एक मात्र हुन्छ,’ ओलीले भने।
एमालेले देशलाई गलत दिशामा जान नदिने र लोकतन्त्रको रक्षा गर्दै संसद् पुनःस्थापना गरेरै छाड्ने प्रतिबद्धता समेत उनले दोहोर्याए ।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
शिक्षिका मेनुका बुढाथोकीको बाघमोर्चामा अन्त्येष्टी, ठोरी गाउँपालिका शोकमा
वीरगंज । ज्ञान ज्योति माध्यमिक विद्यालय ध्याडडाकी शिक्षिका मेनुका बुढाथोकीको पार्थिव शरीर ठोरी गाउँपालिका बाघमोर्चा मा धार्मिक विधिअनुसार आइतवार विहान साढे आठ बजे अन्त्येष्टि गरिएको छ ।
मुक्तिनाथ मन्दिर परिसरमा हिमपात, अवस्था सामान्य
मुक्तिनाथ । मुस्ताङको वारागुङ मुक्तिक्षेत्र गाउँपालिका –१ मा पर्ने मुक्तिनाथ मन्दिर क्षेत्रमा परेको हिमपात भएको छ । गए रातिदेखि भइरहेको हिमपातले मुक्तिनाथ मन्दिरसहित आसपास क्षेत्र हिउँले छपक्कै छोपेको छ ।
खेलकुद
गोलबजार मेयर गोल्ड कप चैत तेस्रो सातादेखि, बिजेताले ४ लाख ४४ हजार ४ सय ४४ रुपैया पुरस्कार पाउने
गोबजार । नवौँ संस्करणको मेयर गोल्ड कप फुटबल प्रतियोगिता चैत २३ देखि २९ गतेसम्म सञ्चालन हुने भएको छ । गोलबजार नगरपालिकाले पत्रकार सम्मेलनमार्फत प्रतियोगिताको तालिका सार्वजनिक गरेको हो ।
वीरगञ्ज प्रिमियर लिगको तेस्रो संस्करणको ट्रफि सार्वजनिक
वीरगन्ज । वीरगञ्जमा ‘टिम आदर्शनगर’ को आयोजनामा हुने वीरगञ्ज प्रिमियर लिगको तेस्रो संस्करण (बीपीएल–३) ट्रफी सार्वजनिक गरिएको छ ।
तपाईको प्रतिक्रिया