चेकजाँचमा सहभागी पर्साका प्रहरी उपरिक्षक कुोद ढुंगेल

वीरगन्ज । ट्रफिक प्रहरी निरिक्षक भास्कर खतिवडाको मुद्रामोहका कारण बीरगंजको ट्राफिक ब्यवस्थापन अस्तब्यस्त हुदै आएको छ ।

ट्राफिक प्रहरीको कमाउधन्दाका कारण सवारी चालकहरुले निकै समस्या झेली रहेका छन । खतिवडाले पोष्टमा जाने इन्चाजबाट दैनीक रकम असूल्दै आएको प्रवृतिमा सुधार नआएपछि पर्साका प्रहरी प्रमुख कुमोद ढुंगेल आफै मैदानमा उत्रिएका छन ।

प्रहरी प्रमुख मंगलवार गढीमाईको दर्शन गरेर फर्किएका थिए । बिहानको साढे १० बजेको हुदो हो । बीरगंज बसपार्कमा शाह पाराडाइज होटेलको अगाडि उनी सडकमा उत्रिए ।

जताततै सवारी ब्यवस्थापनमा देखिएको अराजकताका कारण उनी सडकमा उत्रिएर आफनै निगरानीमा चेकजाँच शुरु गरे । बीरगंज बसपार्कमा लालबाबु सहनी ट्राफिक प्रहरीका इन्चार्ज हुन ।

२ हप्ता अगाडि उनको त्यहा पोष्टिङ भएको हो । स्रोतका अनुसार सहनी भन्दा अगाडिका प्रहरीले यात्रुबाहक वसका काउन्टबाट दैनीक ५० रुपैया लिने गरेकोमा सहनीले १ सय रुपैया लिने गरेका छन ।

बसपार्क भएरै निस्कनु पर्ने म्याजीक गाडी बसपार्क एरियामा बिरलै फेला पर्छन । बिशेष नजराना लिएर सहनीले तिनलाई जाहाबाट चल्दा पनि हुने ब्यवस्था मिलाई दिएका छन ।

सहनीले यसरी आर्जन गरेको रकमबाट खतिवडाको खल्तीमा प्रतिदिन २ हजार जाने गरेको स्रोतको दावी छ । सहनीले बसपार्क क्षेत्रत्मा तीन पाङ्ग्रेलाई पनि सहुलिएत दिएका छन ।

ट्रफिक प्रहरी निरिक्षक भास्कर खतिवडा

बसपार्कको चौबाटोमा उनीहरुलाई पार्किङको ब्यवस्था मिलाईदिएका छन । सहनीको मुद्रामोहका कारण बसपार्क क्षेत्रमा देखिएका ट्राफिक अब्यवस्थालाई अन्त्य गर्न मंगलवार ढुंगेल आफै खटिएर ४५ सवारी साधनालाई कारवाही गरे ।

र इमानका साथ कर्तब्य निर्वाह गर्न सन्देश दिए । नेपाल प्रहरीको बसपार्कको पुरा युनिटलाई प्रहरी प्रमुख ढुंगेलले तानेर प्रहरीको बर्दीको सम्मान गर्दै पेशागत आचरण र ब्यवहार प्रर्दशीत गर्नु पर्ने सन्देश आन्तरिक रुपमा पनि प्रवाह गरेकै छन ।

ढुंगेलले एक हप्ता अगाटि भाटभटेनी अगाडिको मुख्य सडकमा उत्रिएर मोटरबाइकमा तीन जना चढ्ने, हेल्मेट नलगाउने जस्ता ट्राफिक नियमको परिपालना नगर्नेहरुलाई कारवाही गरेका थिए ।

परवानीपुरमा त भारतीय सवारी साधनसंग पैसा उठाउदै गरेका घिमिरे थरका एकजना प्रहरीलाई भकुरेका समेत थिए ।

सवारी साधनको ब्यवस्थापन तथा दुर्घाटना न्युनिकरणको लागि खतिवडाको कमाण्डमा खटिएको ट्राफिक प्रहरी मुद्रामोहमा लागेकोले बीरगंजको ट्राफिक ब्यवस्थापन कमजोर भएको छ ।

खतिवडालाई कमाण्ड गर्ने ट्राफिक प्रहरीको मधेश प्रदेश कार्यालय पथलैयाका प्रहरी उपरिक्षक र नेपाल प्रहरीको मधेश प्रदेशको नेतृत्व समेत लाभान्वित हुदै आएको आरोप लाग्ने गरेको छ । खतिवडालेपनि सबैको ब्यवस्थापन गरेकोले नै कमजोरी सुधारको प्रतिवद्धता जनाएपनि आफनो रबैया भने कायम राखेको स्रोतले जनायो ।