मेडिकल कलेजका प्रबन्ध निर्देशक थप पाँच दिन न्यायीक थुनामा बस्ने

इसीमाना सम्वाददाता २०८० चैत २७ गते ०५: ११ मा प्रकाशित 406 पटक पढिएको

वीरगञ्ज । नेशनल मेडिकल कलेजका प्रबन्ध निर्देशक शाहनवाज अन्सारी र ल्याब प्रमुख सञ्जय साहलाई थप ५ दिन थुनामा राख्न अनुमति दिइएको छ ।

पर्सा जिल्ला अदालतले नेशनल मेडिकल कलेजका एमडी अन्सारी र ल्याब प्रमुख साहलाई थप ५ दिन थुनामा राख्न अनुमति दिएको हो । पर्सा

वीरगञ्जस्थित नेशनल मेडिकल कलेजबाट सोमबार पक्राउ परेका दुबै जनामाथि जिल्ला अदालत पर्साले अनुसन्धान गर्न दोस्रो पटक बुधवार ५ दिनको म्याद थप गरेको हो ।

अस्पतालको ल्याबबाट म्याद नाघेका केमिकलसहित पक्राउ परेका एमडीसहित २ जनामाथि अनुसन्धान गर्न मंगलबार २ दिनको म्याद थप गरेको थियो ।

उपभोक्ता हित संरक्षण मञ्चका सुनिल श्रेष्ठले दिएको जाहेरीको आधारमा प्रहरीले उनीहरुविरुद्ध कालोबजार तथा केही अन्य सामाजिक अपराध तथा सजाय ऐन, २०३२ अन्तर्गत मुदा दर्ता गरेर अनुसन्धान शुरु गरेको छ ।

नेशनल मेडिकल कलेजका प्रबन्ध निर्देशकले उपभोक्तालाई कालोबजारी गरेको भन्दै उनीसहित ल्याब प्राविधिक संजय साहविरुद्ध श्रेष्ठले जाहेरी दिएका थिए ।

अन्सारी र साह कालोबजार तथा केही अन्य सामाजिक अपराध तथा सजाय ऐन, २०३२ अन्तर्गत प्रहरीले अनुसनधान गरिरहेको छ ।

प्रयोगशाला प्रमुख संजय साह प्रहरीको कस्टडीमा छन भने प्रवन्धक अन्सारी बीरगंज हेल्थकेयर अस्पतालको वतानुकुलीत डिलक्स कक्षमा उपचारको नाममा भर्ना भएका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।