सिक्री दाइजो नपाएको बिषयमा प्रहरी अनुसन्धान गर्दै , बेहुला सहित पाँच जना प्रहरी हिरासतमा

इसीमाना सम्वाददाता २०८० फागुन २९ गते ०९: २० मा प्रकाशित 312 पटक पढिएको

बीरगंज। बीरगंजमा सुनको सिक्री नपाएका कारण उत्पन्न बिवादका कारण बिवाह रद्ध गर्ने बेहुला प्रहरीको हिरासतमा छन ।

वीरगञ्जमा सुनको सिक्री नपाउँदा विवाह रद्द गर्ने बेहुलासहित पाँच जना लाई प्रहरीले हिरासतमा राखेको छ । विवाह सम्बन्धि कसुरमा पाँच जनालाई दुई दिनको न्यायीक हिरासतमा लिएर पर्सा प्रहरीले अनुसन्धान गरिरहेको छ ।

तर जन्तीमा सहभागी कलैया उपमहानगरपालिका वडा नं ४का पूर्व वडाध्यक्ष बेहुलाका छिमेकी जटाशंकर सहनीले दाइजो मागेको सिक्री नभएर बिवाह नभएको भन्ने कुरामा सत्यता नभएको बताए ।

उनले १ वर्ष अघि टिकाटालो भएको र बेहुला र बेहुली पूर्व परिचित रहेको बताए । उनले केटा र केटीले नै मन पराएर बिवाह हुन लागेकोले दाइजोको कुरा गलत भएको बताए ।

जन्ती बेहुलीको घरमा गएपछि लेन देनको ब्यवहारिक कुरामा बेहुलाको सहभागिता नहुने उनले बताए । उनले बेहुलीको मामाको बैयक्तिक अडान र ब्यवहारका कारण समस्या आएको समेत बताए ।

तर बेहुलीका बुवा सुखल साहले ५० हजारको सिक्री नपाउँदा बेहुलाले मण्डपबाट भाग्न खोज्दा झडप पनि भएको बताए

बेहुला बाराको कलैया नगरपालिका ४ का २८ वर्षीय उमेश साहसहित पाँचजनामाथि जिल्ला अदालत पर्साबाट दुईदिन हिरासतमा राख्ने अनुमती पर्सा प्रहरीले लिएको छ ।

पक्राउ परेका बेहुलाका बुवा ६० वर्षीय बच्चालाल साह, दाई ४२ वर्षीय राकेश कुमार साह र ४० वर्षका मुकेश कुमार साह र बेहुलाका भिनाजु बाराको परवानीपुर गाउँपालिका ५ बस्ने वर्ष ४५ का रामएकवाल साहलाई दुईदिन हिरासतमा राख्ने म्याद थप भएको पर्साका प्रहरी प्रवक्ता डिएसपी कुमार विक्रम थापाले जानकारी दिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।