कुस्ती प्रतियोगितामा पर्सेली खेलाडीको कमाल ,३ स्वर्ण सहित १० वटा पदक जिते

इसीमाना सम्वाददाता २०७९ कार्तिक ३ गते ०६: ३६ मा प्रकाशित 684 पटक पढिएको

नवौं राष्ट्रिय खेलकुद प्रतियोगिताको कुस्ती खेलमा पर्सेली खेलाडीहरुले कमाल गरेका छन ।

नवौं राष्ट्रिय खेलकुद प्रतियोगितामा पर्साको बहुदरमाई नगरपालिका–८ रामनगरी स्थित रहेको श्रीराम भक्त हनुमान अखाडा कुस्ती प्रशिक्षण केन्द्रका कुस्ती खेलाडीहरुले ३ स्वर्ण सहित १० वटा पदक जितेका छन् ।

राष्ट्रिय खेलकुद प्रतियोगिता अन्तर्गत नवलपुरको कावासोतीमा सम्पन्न भएको कुस्ती तर्फको स्पर्धामा पर्साका कुस्ती खेलाडीले ३ स्वर्ण , ५ रजत र २ कास्य पदक गरि १० पदक जितेका हुन् ।

९६ किलो तौलमा सुमिर साह, ८६ किलो तौलमा लाल बहादुर यादव र १२५ किलो तौलमा राज यादवले स्वर्ण पदक जितेका हुन् ।

यस्तै ५६ किलो तौलमा भागवत साह ,६५ किलो तौलमा गंगा राम , ७० किलो तौलमा धर्मेन्द्र प्रसाद यादव, ७४ किलो तौलमा रितेश यादव र १२५ किलो तौलमा सागर यादवले रजत पदक जितेका हुन् । यसैगरि ८६ किलो तौलमा दिपेश राउत कमकर र ९२ किलो तौलमा बिनोद सहनीले कास्य पदक जितेको प्रशिक्षक नरेश गिरी बाबाले जानकारी दिए ।

त्यस्तै पोखरामा जारी नवौँ राष्ट्रिय खेलकुद प्रतियोगितामा एकैवडाका दुई खेलाडीले शारीरिक सुगठनतर्फ रजत पदक जितेका छन् । बाराको परवानीपुर गाउँपालिपा– ३ लिपनीमालनिवासी सन्नी आजम र किरण यादवले रजत पदक जितेका हुन् ।

मधेस प्रदेशको तर्फबाट सहभागी भएका ७० किलो तौल समूहमा यादव र ७५ किलो तौल समूहमा आजमले रजत पदक जितेका हुन् ।

त्यस्तै जुडो तर्फ पर्साका म.सोयब अख्तरले स्वर्ण पदक जितेका छन् ।जुडो तर्फ स्वर्ण पदक जित्ने उनी मधेस प्रदेशमै एक मात्र खेलाडी हुन् । उनले ५८ केजी समूहतर्फ नेपाल प्रहरीका सुवासचन्द्र बोहरालाई पराजित गर्दै गोल्ड मेडल हात पारेका हुन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।