फूटवलको माध्यमले पटेर्वालाई चिनाउने युवाको सपनालाई पुरा गर्न पालिकाले सहयोग गर्छः अध्यक्ष चौधरी

इसीमाना सम्वाददाता २०७८ फागुन १६ गते ०९: ३६ मा प्रकाशित 1027 पटक पढिएको

पटेर्वा सुगौली गाउँपालिकामा वडा स्तरबाट छनौट गरिएका फूटवल खेलाडीहरुको पालिका स्तरीय टीमलाई खेल सामाग्री बितरण गरिएको छ ।

गाउँपालिकाका अध्यक्ष हरिनारायण चौधरीले खेलाडीलाई खेलकुद समाग्री बितरण गर्नु भएको हो । करिब २ लाख ५० हजार मूल्य बराबरको खेलकुद समाग्री खेलाडीलाई हस्तान्तरण गरिएको चौधरीले बताउनु भयो ।

जर्सी बुट फूटबव लगायतका समाग्री बितरण गरिएको उहाँले बताउनु भयो । पटेर्वा सुगौली फूटवलका लागि पर्साको महत्पूर्ण पालिका हो । फूटवल खेलको माध्यमले पालिकाको पहचिान उठाउने गरि खेल क्षेत्रमा पालिकाले लगानी गरेको छ ।

पालिका स्तरीय टिमको बिकासकालागि पालिकाले २० लाख रुपैया बिनियोजन गरेको छ । अहिले निचुटामा गएको शनिवार देखी फूटवल प्रतियोगिता भइरहेको छ । प्रतियोगिता संचालनकालागि १० लाख र निचुटामा रहेको फूटकवल मैदानलाई तारजालीले घेराबन्दी र ग्राउण्ड सुधारकालागि १० लाख रुपैया निकासा भई काम भइरहेको अध्यक्ष चौधरीले जानकारी दिनु भयो ।

उहाँले गाउँ भरिबाट छनौटमा परि निर्माण भएको टिमलाई फूटवल सम्बन्धी सीप र टेक्निक सिकाउन कोचको समेत ब्यवस्था गर्ने अध्यक्ष चौधरीले बताउनु भयो । पटेर्वा सुगौलीलाई फूटवलका माध्यमले पनि चिनाउने युवाहरुको सपनालाई साकार पार्न गाउँपालिकाले युवाहरुको मनोवल उच्च पार्दै सहकार्य गरेको चौधरीको भनाई छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।