भेट्रान्स ऐट साइड गोल्ड कप डे नाइट फुटबल प्रतियोगिता सुरु

उद्घाटन खेलमा आयोजकसहित तीन टिम विजयी

5/3/2018 गते 00 00 मा प्रकाशित 1539 पटक पढिएको

वीरगञ्ज, २१ वैशाख :

वीरगञ्जमा पहिलो पटक अन्तर्राष्ट्रिय स्तरको भेट्रान्स ऐट साइड गोल्ड कप डे नाइट फुटबल प्रतियोगिता हिजो देखि सुरु भएको छ ।
प्रतियोगिताको उद्घाटन खेलमा यूवा स्पोर्टस क्लब वीरगञ्ज, चितवन क्लब, सिमरा भेट्रान्स क्लब बारा र वीरगञ्ज भेट्रान्स क्लब विजयी भएका छन् ।
यूवा स्पोर्टस क्लब वीरगञ्ज यूवा क्लबले ३–० को विरुद्ध हेटौडा क्लब मकवानपुरलाई हराएको छ भने दोश्रो खेलमा विर्तामोड क्लब झापा र चितवन क्लब बीच भएको दोश्रो खेलमा चितवन १–० ले विजयी भएको थियो ।
त्यस्तै हिजै भएको तेश्रो खेलमा तेश्रो खेलमा मुंगेर भेट्रान्स क्लब बिहारलाई सिमरा भेट्रान्स क्लब बाराले २–० ले पराजित गरेको छ भने वीरगञ्ज भेट्रान्स क्लब “बी” र चपुर बीच भएको अन्तिम खेलमा वीरगञ्ज भेट्रान्स क्लब “बी” १–० ले विजयी भएको हो ।
प्रतियोगितामा प्रथम हुने टिमलाई नगद १ लाख ११ हजार १ सय ११, दोस्रो हुनेलाई ५५ हजार ५ सय ५५ रुपैया“ पुरस्कार राशी तय गरिएको छ भने उत्कृष्ट खेलाडीलाई नगद ३ हजार र सर्वोत्कृष्ट खेलाडीलाई नगद ५ हजार प्रदान गरिने अयोजक क्लबले जानकारी दिएको छ ।

रिटायर भएर बसेका खेलाडीहरुको स्वास्थ्यलाई समेत ध्यानमा राखेर प्रतियोगिताको आयोजना गरेको आयोजकले बताएको छ । वैशाख २०, २१ र २२ गते हुने प्रतियोगितामा नेपाल र भारतका गरी १२ वटा भेट्रान्स क्लबले सहभागीता जनाउने आयोजक क्लबका महासचिव विनोद परियारले जानकारी दिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।