दूई देशका पत्रकारहरुको मैत्रीपूर्ण क्रिकेटमा भारतीय पत्रकारको टीम बिजयी

3/9/2018 गते 00 00 मा प्रकाशित 1341 पटक पढिएको

रौतहट २५ फागुन ।
भारतीय महावाणिज्य दुतावास बीरगंज र राजदेवी मिडिया सेन्टर गौरले संयुक्त रुपमा आयोजना गरेको भारत र नेपालका पत्रकारहरुवीचको मैत्रीपूर्ण क्रिकेट प्रतियोगितामा नेपाली पत्रकारहरुको टिम पराजित भएको छ ।

टाँस जिती पहिले वल्लेबाजी गरेको नेपाली संचारकर्मीहरुको टिमले १९.३ ओभर खेल्दै १ सय ३१ रन बनाएको थियो । नेपाली पत्रकारका तर्फबाट प्रभावकारी दैनिकका रबिन बस्नेतले ४४ रन बनाए भने बजरंगी गुप्ताले २७ रनको योग्दान दिए । यि दुई बल्लेबाज बाहेक अरु बल्लेवाजले भने खासै राम्रो प्रर्दशन गर्न सकेनन ।

त्यस्तै १ सय ३२ रनको लक्ष्य सहित मैदानमा ओर्लेको भारतीय संचारकर्मीको टिमले १८.४ ओभरको खेल खेल्दै ६ विकेटले प्रतियोगिता आफ्नो पक्षमा पार्न सफल बनेको छ । भारतीय बल्लेवाजलाई निशाना बनाउन नेपाली संचारकर्मीका बलरहरुले लगातार प्रयास गरेपनि खासै सफलता भने पाउन सकेनन ।

नेपाली संचारकर्मीका तर्फबाट हिमालय टेलिभिजनका रौतहट संम्वाददाता प्रविण टिबडेवालले ३ ओभरमा १५ रन खर्चिदै २ विकेट लिई उत्कृष्ट बलीङको प्रर्दशन गरेका थिए । प्रतियोगितामा सहभागी दुबै टिमका खेलाडीहरुलाई भारतीय महावाणिज्य दुतावास बीरगंजका प्रमुख बि.सी प्रधान गौर नगरपालिकाका मेयर अजय गुप्ताले संयुक्त रुपमा पुरस्कार र प्रमाण पत्र वितरण गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।