वीरगञ्ज, ११ माघ । डिएभी र कञ्चनजंघा मावि, वीरगञ्जमा जारी अन्तर विद्यालय नकआउट कबड्डी प्रतियोगिताको फाइनलमा प्रवेश गरेका छन् । मंगलबार भएको छात्र तर्फको सेमीफाइनल खेलमा जित हात पार्दै दुवै टिम फाइनलमा प्रवेश गरेका हुन् ।
छात्र तर्फ मंगलबार भएको पहिलो सेमीफाइनल खेलमा जिएचपी माविलाई ६२÷१७ अंकले पराजित गर्दै डिएभी माविले फाइनलमा स्थान पक्का गरेको हो । मंगलबारै भएको अन्तिम सेमीफाइनल खेलमा वीरगञ्ज पब्लिक स्कुललाई ४९÷३४ अंकले पाखा लगाउदै कन्चनजंघा माविले पनि फाइनलमा स्थान सुरक्षित गरेको हो । यी दुई बिचको फाइनल खेल बुधबार हुनेछ । यसैगरी मंगलबारै भएको छात्रा तर्फको स्पर्धामा डिएभी माविले तेश्रो स्थान हाँसिल गरेको छ ।
एन्जल इन्टरनेशनल स्कुललाई ५१/१४ अंकले पराजित गर्दै डिएभी माविले तेश्रो बनेको हो । छात्रा तर्फको फाइनल खेल बुधबार हुने आयोजक म्याक्स इन्टरटेन्मेन्ट एंण्ड एड्भरटाइजींगका संयोजक अमीत अग्रवालले बताए । प्रतियोगितामा छात्र तर्फ १२ र छात्रा तर्फ ६ गरि कुल १८ वटा निजी विद्यालयले भाग लिएका थिए ।
तपाईको प्रतिक्रिया