माघ १० झापा /आयोजक नेपाली क्रिकेट समर्थक समाज र सुरुङ्गा ह्वाइट वास क्लब झापाको शनिअर्जुन नगरपालिकामा जारी कंगारु एनसिएसएस झापा कप टि ट्वाइन्टि क्रिकेट प्रतियोगिताको सेमी फाइनलमा प्रवेश गरेका छन् ।
प्रतियोगिता अन्तर्गत आज भएको पहिलो क्वाटरफाइनल खेलमा कर्णाली एजुकेशन बुधबारेलाई ६ विकेटले हराउदै आयोजकले अन्तिम चारमा आप्mनो स्थान सुरक्षित गरेको हो । टस जितेर पहिला ब्याटिङ गरेको कर्णालीले १९ ओभरमा सबै विकेट गुमाएर ९२ रन मात्र बनाउन सक्यो । उसका लागि अनुप मुखियाले ४० रन बनाउनु बाहेक अन्य व्याटस्म्यान क्रिजमा चल्न सकेनन् । आयोजकका अर्जुन भुजेल र दिव्यन भट्टराईले समान ३÷३ विकेट लिए ।
९३ रनको विजय लक्ष्य लिएर मैदान प्रवेश गरेको आयोजकको टिमले १६ दशमलव ३ ओभरमा ४ विकेट गुमाएर लक्ष्य पुरा गर्यो । आयोजकलाई जिताउन म्यान अफ दि म्याच आनन्द यादवले २३ तथा रुपेश रिजालले २१ रनको योगदान गरे ।
आजै भएको दोश्रो खेलमा प्रतिभा वारियर्स इटाभट्टालाई ६ विकेटले पराजित गदै
सुरुङ्गा ह्वाइट वासले पनि सेमी फाइनलमा आप्mनो ठाउँ सुरक्षित गरेको छ ।
टस हारेर पहिला ब्याटिङ गरेको इटाभट्टाले १८ दशमलव २ ओभरमा ८६ रन जोड्दा सबै विकेट गुमायो । उसका लागि समिर श्रेष्ठले २४ तथा कमल ओझाले १० रन बनाए । सुरुङ्गाका सविन प्रसाँई र सुभम उप्रेतीले समान ३÷३ विकेट लिए ।
८७ रनको लक्ष्य सुरुङ्गाले १७ दशमलव ४ ओभरमा ४ विकेट गुमाएर भेट्टाएको थियो । उसका लागि म्यान अफ दि म्याच मिलन कार्कीले ३० तथा सुनिल विष्टले १० रनको योगदान गरे । इटाभट्टाका कमल ओझाले २ विकेट लिए ।
प्रतियोगिता अन्तर्गत भोली हुने पहिलो खेलमा धाइजन र समयगढ क्रिकेट क्लब तथा दोश्रो खेलमा इलेक्ट्रिकसट ट्रुथबारी र दमक क्रिकेट क्लब बिच सेमी फाइनल प्रवेशका लागि प्रतिश्पर्धा हुने आयोजकका रोमन चापागाँईले जानकारी दिए ।
तपाईको प्रतिक्रिया