बीरगंज १० असोज ।
लिंकरोड पिप्रा टोल बिकास संस्थाले फूटपाथ अतिक्रमण हटाउने अभियान शुरु गरेको छ । सडकपेटी अतिक्रमण गरि ब्यक्तिगत हितकोलागि बनाईएको संरचना भत्काउने अभियान शुरु गरेको हो ।
टोल बिकास संस्थाको तर्फबाट पेटीमाथि कुनै पनि प्रकारको संरचना नवनाउन आग्रह गरिएको थियो संस्थाका अध्यक्ष हरि गौतमले भने अटेरी गरेर बनाइएका त्यस्ता संरचना हटाउन शुरु गरिएको हो ।
पेटी अतिक्रमण गर्नेहरुलाई दिइएको सूचनका बिषयमा अटेर गरेकोले आज डोजर चलाएरै फूटपाथ अतिक्रमण हटाइएको हो । टोलको बिकास,सरसफाई र सामाजिक एकता कायम गर्न संस्थाले काम गर्दै आइरहेको छ ।
समितिले टोलका बिभिन्न स्थानमा फोहर संकलनकालागि डस्टबिनहरु पनि राखेर फोहर निश्चित स्थानमा राख्न अपिल गरेको छ । कुहिने फोहर र नकुहिने फोहरलाई अलग अलग पोकोमा राखेर फोहर फाल्नकालागि राखिएको डस्टबिनमा राख्न समेत अनुरोध गरेको छ ।
बिआइटी कलेजको सहयोगमा समितिले बिभिन्न चेतनामुलक वोर्डहरु पनि ठाउँ ठाउँमा राखेको छ । चेतनामुलक बोर्डहरु मार्फत टोलमा प्रवेश गर्दा देखीनै बिभिन्न जानकारीहरु प्राप्त हुनेछन ।
हरेक हप्ता टोल बिकास संस्थाको तर्फबाट समाजमा सचेतनामुलक गर्दै आएको समितिले हरित टोलको अभियान संचालन गरेको छ ।
तपाईको प्रतिक्रिया