उद्धघोषण तालिम सम्पन्न प्रशिक्षार्थीले संचालन गरे कार्यक्रम

9/25/2019 गते 00 00 मा प्रकाशित 950 पटक पढिएको

वीरगंज ८ असोज । चेली कृषि सहकारी संस्थाले आफन्त नेपालको सहयोगमा आयोजना गरेको तीन दिने उघोषण तालिम आज सकिएको छ ।

संस्थाका अध्यक्ष कमला घिमिरेको अध्यक्षतामा तालिमको समापन समारोह सम्पन्न भएको हो । कार्यक्रममा बीरंज महानगरपालिका वडा नं १६ का वडाध्यक्ष श्यामबाबु चौरसियाले सहभागिहरुलाई प्रमाण पत्र बितरण गरेका थिए ।

उनले गत आर्थिक वर्षको बजेट सडक पूर्वाधारमा खर्च भएको बताउदै यस आर्थिक वर्षमा महिलाहरुको सीप बिकासकालागि बजेट ब्यवस्था गर्ने बचन दिए ।

उनले महिलाहरुकोलागि के गर्न सकिन्छ प्रस्ताव लिएर आउन आग्रह गर्दै आफूले सकेको सहयोग गर्ने बताए । कार्यक्रमको उद्धघाटन समारोहमा समेत सहभागि वडाध्यक्ष चौरसियाले समापन कार्यक्रममा तालिमका प्रशिक्षार्थीहरुले ने कार्यक्रमको संचालन गरेको देखेर तालिम प्रभावकारी भएको भन्दै खुशी ब्यक्त गरे ।

कार्यक्रममा नेपाल पत्रकार महासंघ प्रदेश २ का उपाध्यक्ष के.सी.लामिछानेले तालिममा सिकेका कुरालाई ब्यवहारमा उतार्नु अपिल गरे ।

कार्यक्रममा पत्रकार कविता खड्का,सन्तोष रन्जीतकार आफन्त नेपाल पर्साका संयोजक तारा सापकोटा समाजसेवी राजकुमार घिमिरे लगायतको सहभागिता रहेको थियो ।

नानु कार्कीले संचालन गर्नु भएको कार्यक्रममा स्वागत मन्तब्य सरस्वती लामाले ब्यक्त गर्नु भएको थियो । तीन दिन सम्म संचालन भएको तालिममा चेली कृषि सहकारी संस्थामा आवद्ध महिलाहरुको सहभागिता रहेको थियो ।

तीन दिन तालिममा भएको सिकाई र अभ्यासका आधारमा समापन समारोह प्रशिक्षार्थीहरुले संचालन गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।