श्रीलंकाको राष्ट्रपति निर्वाचनमा कम्युनिष्ट नेता दिसानायके बिजय

इसीमाना सम्वाददाता २०८१ असोज ६ गते ०८: ४४ मा प्रकाशित 378 पटक पढिएको

काठमाडौं । श्रीलंकाको राष्ट्रपति निर्वाचनमा कम्युनिष्ट नेता अनुरा कुमारा दिसानायके बिजयी भएका छन ।

शनिबार भएको निर्वाचनअनुसार जनाथा विमुक्ति पेरामुना पार्टीका अनुरा कुमारा दिसानायकेले ५३ प्रतिशत मतसहितबिजयी भएका हुन् ।

साजिथ प्रेमादसाले दोस्रो नम्बरमा रहे । वर्तमान राष्ट्रपति रनिल विक्रमासिङ्घे तेस्रो स्थानमा समेटिए ।

सन् २०२२ मा भएको आन्दोलनका कारण तत्कालीन राष्ट्रपति गोटाबाया राजापाक्षेले देश छोडेपछि श्रीलंकामा शनिबार पहिलो पटक राष्ट्रपति निर्वाचन भएको थियो ।

यस निर्वाचनले केही वर्षदेखि तनावबीच गुज्रिएको श्रीलंकाले सत्ताको बागडोर कम्युनिस्ट नेतालाई दिएको हो ।

श्रीलंकामा राष्ट्रपतिको कार्यकाल ५ बर्षको हुने र बढीमा दुई कार्यकाल राष्ट्रपति बन्न सकिने व्यवस्था रहेको छ ।

सन् २०१९ को चुनावमा उनै दिशानायकेले केबल तीन प्रतिशत मात्रै मत ल्याएर तेस्रो भएका थिए । तर ५ वर्षभित्रै उनले राजनीतिक उलटफेर ल्याउँदै श्रीलंकाको सत्तामा पुगेका हुन् ।

राष्ट्रपतिमा विजयी दिसानायके कोलम्बो जिल्लाका सांसद हुन् । उनले राष्ट्रिय जनता शक्ति (नेशनल पिपुल्स पावर) र जनता विमुक्ति पेरमुना (जेवीपी) पार्टीको नेतृत्व गरेका छन् ।

यस चुनावमा महत्वपूर्ण सुधारको वाचा उनले गरेका थिए । उनले चुनावका क्रममा भ्रष्टाचार विरोधी उपाय र गरिबको भलाइमा ध्यान दिने बताएका थिए ।

उनले आफूलाई समाजका कमजोर वर्गको अधिकारको रक्षा र विकासप्रति प्रतिबद्ध नेताका रुपमा चिनाएका छन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।