जगरनाथपुर गाउपालिकामा रेडक्रसद्वारा कोभिड १९ समन्वय बैठक सप्पन्न

6/8/2021 गते 00 00 मा प्रकाशित 681 पटक पढिएको

युनिसेफको सहयोगमा नेपाल रेडक्रस सोसाइटी पर्सा जिल्ला शाखाद्वारा संचालित कार्यक्रम कोभिड१९ पुर्वतयारी तथा प्रतिकार्य कार्यक्रम अन्तरगत जगरनाथपुर गाउपालिकामा एक दिने गाउपालिका स्तरीय समन्वय बैठक सम्पन्न भएको छ ।

समन्वय बैठक जनरनाथपुर गाउपालिकाका अध्यक्ष जालिम मिया मन्सुरिको अध्यक्षतामा सम्पन्न भएको थियोे । कोरोना महामारिको समयमा समेत रेडक्रसले सामुदायिक स्तरमा पुगेर काम गरेकोमा मन्सुरीले प्रशंसा गर्नु भयो । उाँले स्वास्थ्य स्वयंसेवक खटाइ महामारीबाट वच्न उत्प्रेरित गरेकोमा स्वयं सेवकहरुलाई धन्यवाद दिनु भयो ।

उहाँले रेडक्रसको सेवा मुलक कार्यमा गाउपालिकाको समन्वय एवं सहयोग हरदम रहने प्रतिवद्धता जनाउनु भयो ।

नेपाल रेडक्रस सोसाइटीका कोभिड १९ पुर्वतयारी तथा प्रतिकार्य कार्यक्रमका लेखाअधिकृत बीरसमसेर प्रसाद कुर्मिले कार्यक्रमको योजना बारे प्रकाश पार्नुृ भयो । उहाँले पालिकाको नागरिकलाई कोरोनाबाट कसरी जोगाउने बिषयमा जानकारी गराएको रेडक्रस पर्साका राजन श्रीवास्तवले बताउनु भयो ।

कार्यक्रममा उपाध्यक्ष बिसमिल्लाह खातुन, स्वास्थ प्रमुख परमेन्द्र शाह, शिक्षा प्रमुख नरेस महतो कोइरि, प्रहरी प्रतिनिधि, वडाअध्यक्ष मङरु राउत गद्दी, नगिना राउत अहिर, बिहारी महतो नुनिया, प्रभुनाथ नुनिया, रेडक्रसका स्वास्थ स्वयंसेवक, महिला स्वयंसेवक लगायत ३५ जनाको उपस्थिति रहेको थियो भने समन्वय कार्यक्रमका जिल्ला फोकल पर्सन सन्तोष रामले गर्नु भएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।