जनकपुरमा आफनै श्रीमतीलाई एसिड आक्रमण गर्ने श्रीमान प्रहरीद्वारा पक्राउ

11/14/2020 गते 00 00 मा प्रकाशित 836 पटक पढिएको

जनकपुर उपमहानगरपालिका वडा नं २३ की २१ वर्षिया आरती साहमाथि एसिड प्रहार भएको छ । उनीमाथि एसिड प्रहार गर्ने उनकै श्रीमान रहेको बताइएको छ ।

जनकपुरधाम उपमहानगरपालिका ७ जानकीनगरमा माइतमा बस्दै आएकी आरतीलाई शनिबार बहिान एक युवकले एसिड छ्यापेर भागेका थिए । आरतीको जनकपुरको जानकी हेल्थकेयरमा भर्ना गरि उपचार भइरहेको छ ।

आरतीलाई एसिड आक्रमण गर्ने उनको आफ्नै पति रहेको पुष्टि भएको छ । पत्नी आरतीमाथि एसिड आक्रमण गरेको आरोपमा प्रहरीले जनकपुरधाम उपमहानगरपालिका २० देवपुरारुपैठा बस्ने २७ वर्षका संजिव साहलाई पक्राउ गरेको छ ।उनलाई आफ्नै घरबाट पक्राउ गरेको धनुषाका प्रहरी उपरीक्षक रमेश बस्नेतले जानकारी दिनु भयो ।

पतिपत्नीबिच मनमुटाब रहेको कारण माइत जनकपुरधाम उपमहानगरपालिका ७ जानकी नगरमा घरमै बसिरहेकी २६ वर्षीया आरती साहमाथि शनिबार बिहान साढे ९ बजे एसिड प्रहार भएको हो । खराब सम्बन्धको कारण श्रीमान संजिवले नै एसिड प्रहार गरी भागेको स्थानीयले बताएका छन् ।

एसिड प्रहारबाट आरतीको निधार र छातीको केहि भाग जलेको छ । तीनवर्ष अघि विवाह बन्धनमा बाँधिएको केहि समय पश्चात श्रीमान श्रीमतीबिच मनमुटाव हुँदा आरती माइतमै बसेर जनकपुरको पेठिया बजारमा तरकारी व्यवसाय गर्दै आएकी छन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।