पोखरियामा निशुल्क नेत्र शिविर सम्पन्न, ३ सय २६ को नेत्र परिक्षण ,१ सय ९१ मा मोतिबिन्दुको समस्या

10/3/2020 गते 00 00 मा प्रकाशित 839 पटक पढिएको

पोखरिया नगरपालिकाको वडा नं १ बनकटवामा शनिवार निशुल्क नेत्र शिविर सम्पन्न भएको छ । शिविरमा ३ सय २६ जनाको नेत्र परिक्षण गरिएको थियो ।

नेत्र परिक्षण गरिएका मध्य १ सय ९१ जनामा मोतिबिन्दुको समस्या देखिएको माट्रिका आई फाउण्डेशनका संयोजक महेश सिंह धामीले बताउनु भयो । नेत्र परिक्षण गरिएका ३ सय २६ मध्य २७ जन शारीरीक रुपमा फरक क्षमता भएका ब्यक्तिहरु रहेको उहाँले बताउनु भयो ।

बनकटवा युवा उत्थान समितिको स्थानीय आयोजनामा भएको शिविरमा स्थानीय नागरिकको उल्लेख्य सहभागिता रहेको थियो । परिक्षण आइतवार पनि निरन्तर हुने आयोजक संस्थाका कार्यक्रम संयोजक प्रदीप कुर्मीले जानकारी दिनु भयो ।

उत्थान समितिका अध्यक्ष ह्रदय नारायण पटेलको अध्यक्षतामा भएको कार्यक्रममा पोखरिया नगरपालिकाका प्रमुख दीपनारायण रौनीयार, सम्बिधान सभाका सदस्य प्रदुम्न चौहान , जसपाका नेता नेजामुदिन समानी, वडा नं १ अध्यक्ष बंका प्रसाद कुर्मी डा. जगतनारायण गिरीले पहिलो बिरामीलाई प्रेसक्रिप्सन पूर्जा हस्तान्तरण गरेर शिविरको शुभारम्भ गएिको आयोजक संस्थाका कोषध्यक्ष भोला गिरीले जानकारी दिनु भयो ।

समितिका सचिव बैजनाथ ठाकुर उपाध्यक्ष कविता कुर्मी लगायतको नेतृत्वमा स्थानीय युवाहरुले शिविरको ब्यवस्थापन गरेका थिए । शिविरको आयोजनाले आँखामा समस्या आएका स्थानीय जेष्ठ नागरिकले खुशी ब्यक्त गरेका छन ।

घर आँगनमै आएर आँखाको चेक गर्ने र निशुल्क रुपमा अप्रेशन हुने कुरा थाहा पाएपछि जेष्ठ नागरिक खुशी भएका हुन । शिविर पोखरिया स्थित श्री रामदेव साह कलवार जिल्ल उच्चाङल उच्च माध्यामिक बिद्यालयमा भएको थियो । शिविरमा मास्क अनिर्वाय गरिएको थियो भने सामाजिक दुरी कायम गरिएको थियो ।

मोतिबिन्दुको समस्या देखिएका १ सय ९१ जनाको माट्रिका आई फाउण्डेशनले निशुल्क अप्रेशन गर्ने जनाएको छ । फाउण्डेशनले चश्मा लगायतका अन्य आवश्यक सामाग्री भने शुपथ मूल्यमा उपलब्ध गराउने धामीले बताउनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।