कोभिड संक्रमीत तर अन्य रोगका बिरामीको उपचारको ब्यवस्था मिलाउने बिषयमा जिपी कोइराला फाण्डेशन बीरगंजले  पर्साका प्रमुख जिल्ला अधिकारी आसमान तमाङको ध्यानकर्षण गराएको छ । 

पर्सामा अहिले पनि कोभिडको लक्षण भएका वा संक्रमण पुष्टि भएका तर अन्य रोगको उपचार आवश्यक रहेका बिरामीहरुले उपचार नपाई घरमै थला पर्नु पर्ने अवस्था सार्वजनीक भएपछि फाउण्डेशनले स्थानीय प्रशासनको ध्यानाकर्षण गराएको हो । 
पर्सामा मात्रै उपचार अभावमा ८ जनाले ज्यान गुमाउनु परेको दावी गरिएको छ । 

बीरगंज महानगरपालिका रामगढवाकी  २६ वर्षीय गर्भवती महिलामा २ दिनअघि शनिबार कोभिड परीक्षण गर्दा पोजेटिभ देखिएपछि अस्पतालले भर्ना लिन मानेन ।

वीरगञ्जमा रहेको नेशनल मेडिकल कलेजको कोभिड अस्थायी अस्पताललेसमेत भर्ना लिन नमानेपछि गर्भवती महिलालाई घरैमा राख्नु पर्ने अवस्था आयो । गर्भवतीलाई भर्ना नलिएको भन्दै जिल्ला प्रहरी कार्यालयमा गएर जानकारी गराउँदा पनि कुनै सुनुवाई नभएपछि बाध्य भएर घरैमा राखिएको उनका श्रीमान् इनरदीप पण्डितले बताउनु भएको थियो  ।

यही घटनाले फेरी पर्साबासीमा चिन्ता ब्याप्त बनाएको छ । यही घटनालाई मध्य नजर गरेर आवश्यक ब्यवस्थापन मिलाउन प्रशासनले बेलैमा ध्यान दिनु पर्छ भन्दै ज्ञापन पत्र बुझाएको फाउण्डेशनका अध्यक्ष म. शाहबुदिनले बताउनु भयो । 

 फाउण्डेशन पर्साकासह सचिव मिंन्टु देवि सिंह,कोषाध्यक्ष मनोहर साह,सदस्य प्रिति सिंह,जंगबहादुर पटेल,सनतोष कुमार गुप्ता,शेख नेजामुदिन,दिनानाथ प्रसाद गुप्ता,पप्पु सिंह, सदिप कुमार केवट,जितेन्द्र ठाकुर,मनजेश र्कण,पप्पु बैठा,संजय पटेल,सफु शर्मा,अशोक बैठा, कर्ण पटेल, लालबाबु साह लगायतको टोलीले जिल्ला प्रशासन कार्यालय पर्सामा पुगेर ज्ञापन पत्र बुझाएको थियो ।  

यसैवीच रामगढवाकी ति महिलालाई बीरगंजको नारायणी अस्पतालमा भर्ना गरिएको छ । उनले अवको एक साता भित्र बच्चा जन्माउने चिकित्सकले समय दिएका छन । 

वीरगञ्ज रामगढवाकी २६ वर्षीया गर्भवती महिलालाई चिकित्सकले अबको एक साताभित्रै बच्चा जन्मने भनेर समय दिएको छ ।चिकित्सकले सुरुको मासिक चक्रलाई आधार मानेर बच्चा जन्मने अनुमानित समय निकाल्ने गर्छन् । त्यही आधारमा एक साताको समय निकालिएको हो । प्रसूती रोग विशेषज्ञ डा. दिप्ती यादव लेगणितीय हिसाबले बच्चा जन्मने समय निकालिने भएपनि त्यसको एक साता वर वा पर पनि बच्चा जन्मन सक्ने बताउनु भयो । 

आइतबार राति नै कोभिड वारियर्सको टोलीले प्रसुती रोग विशेषज्ञ डा.दिप्ती यादवसहित संक्रमित गर्भवतीको घरमा पुगेर उनको स्वास्थ्य अवस्था बारे जानकारी लिएको थियो । कोभिड वारियर्सको यही प्रयासले नै ति गर्भवती महिलाको अस्पताल भर्नाको बाटो खुलेको हो ।