आर्दशनगर मुख्य बजार क्षेत्रमा सडक र फूटपाथमा मोटरसाइकलको पार्किङ निषेध गरिएको छ । बीरगंजका मुख्य सडक र पेटीमा मोटरसाइकल सहित अन्य सवारी साधनको पार्किङ निषेध गरिए पनि त्यसलाई लागू गर्न सरोकारवाला निकायलाई हम्मे हम्मे परेको छ । 

बीरगंज महानगरपालिकाले बीरगंजको घण्टाघरको बि.पी.उद्यान ,पुरानो बसपार्क , एएमसी अस्पताल अगाडि लगायतका स्थानमा मोटरसाइकल तथा अन्य सवारी साधनको पार्किङको लागि स्थान तोकेको छ । आर्दशनगरमा सबै बैंकहरुले पार्किङ निषेधको सूचना टाँस गरेका छन ।

तर सेवाग्राहीले सडक पेटीमै मोटरसाइकल पार्किङ गर्ने गरेका छन । सडक छेउमा पार्किङ गरिएको मोटरसाइकललाई कारवाही गरेपछि सडक पेटीमा पार्किङ शुरु भएको छ । सडक पेटीमा पार्किङ गरिएका  मोटरसाइकलका धनीलाई कारवाही गर्न थालिएपछि सडक छेउमा पार्किङ गर्छन । सडक छेउ र पेटीमा मोटर साइकलको पार्किङको कुरा चोर पुलीसको खेल जस्तो भएको छ । 

सडक पेटीमा मोटरसाइकल पार्किङ भएको कुरालाई प्रहरीले नजरअन्दाज  गरेर छोड्यो भने मोवाइलामा फोटो खिचेर भाइरल बनाउने चलन छ । सडक पेटीमा पनि त्यस्तैछ । सेवाग्राहीहरुलाई लखेट्यो सडक खाली हुन्छ ।

एक छिन पछि फेरी उस्तै  । ट्राफिक प्रहरीको जनशक्ति सडकमा र फूटपाथमा रहेको मोटरसाइकल पार्किङलाई ब्यवस्थित गर्दा गर्दै हत्तु हुन्छन । तर सेवाग्राहीले तोकिएको क्षेत्रमा सवारी साधन पार्किङ गर्ने बानी भने बसाउन चाहेका छैनन । शहरको सौन्दर्यताका बिषयमा शहरमा आउने सबैखाले सेवाग्राही जिम्मेवार नहुदा सम्म सफलता नमिल्ने सामाजिक क्षेत्रमा क्रियाशिल अभियान्ताहरुको भनाई छ । 

पार्किङ ब्यवस्थापनमा देखिएको समस्यालाई हल गर्न सरोकारवाला निकायले  बिभिन्न खालका सचेतनामुलक कार्यक्रम संचालन गरिरहेका छन । आइतवार ट्राफिक प्रहरी कार्यालय, पर्सा र ग्रीन सिटी सामुदायिक सेवा केन्द्र आदर्शनगरको संयुक्त आयोजनामा  आदर्शनगर क्षेत्रको फुटपाथमा राखिएका मोटरसाइकलहरूलाई कारबाई गरिएको छ।

    सडकमा पार्किङ निर्धारण गरेको क्षेत्रमा नराखेर फुटपाथमा मोटरसाइकल राखेका पचासजनालाई कारबाई गरिएको ग्रीन सिटी सामुदायिक सेवा केन्द्रका अध्यक्ष प्रकाश खेतानले बताउनु भयो ।

    यसैगरी, आदर्शनगर चोकदेखि कैलाश होटलसम्म फुटपाथमा राखेका मोटरसाइकलधनीहरूलाई आज चेतावनी दिइएको उहाँले बताउनु भयो । 
    सो स्थानमा दुईतर्फी सवारीसाधन चल्ने हुँदा पार्किङ निषेध गरिएको अवस्थामा फुटपाथमा मोटरसाइकल राखिएकाले आज चेतावनी दिइएको र भोलिदेखि कारबाई गरिने अध्यक्ष खेतानले बताउनु भयो ।

    कार्यक्रममा ट्राफिक प्रहरी निरीक्ष्ँक कमलराज पण्डित, बिर्ता वडा प्रहरी कार्यालयका प्रहरी निरीक्षक निर्मल पनेरु प्रनानि सूर्यबहादुर थापामगर, वीरेन्द्र साहलगायतको सहभागिता थियो।आदर्शनगर प्रहरी चौकीका प्रहारी नायब निरीक्षक राजुबाबू यादव, बिरगंज महानगरपालिकाका नगर प्रहरी जगत राउत, रोशन कुमार गुप्ता बिष्णु तिमिलसिना, स्वतन्त्र समाज नेपालका कन्हैया झा, रबी बर्णवाल, दिपेन्द्र साह, धिरज साह, पुरुशोतम कुशवाह लगायत स्थानीय बुद्धिजीवीहरुको  सहभागीता रहेको थियोे ।