गरुडा नगरपालिका–८ जिगडियाका बिजय रामको हत्या प्रकरण, प्रहरीलाई कारवाही गर्न समितिको सिफारिश

9/23/2020 गते 00 00 मा प्रकाशित 945 पटक पढिएको

रौतहटको गरुडाका विजय राम मृत्यू प्रकारण छानवीन गर्न बनेको समितिले प्रहरीलाई कारवाही गर्न सिफारिश गर्दै आफनो प्रतिवेदन बुझाएको छ ।

गरुडाका विजय राम मृत्यू प्रकारणमा मुछिएका एसपी , डिएसपी , लगाएतका प्रहरी लाइ कार्वाही गर्न भन्दै छानविन समितिले प्रतिवेदन बुझाएको हो ।

रौतहटको गरुडा नगरपालिका–८ जिगडियाका १९ बर्षिय युवक विजय रामको प्रहरी हिरासतमा यातनाका कारण मृत्यु भएको परिवार तथा साथनीयले आरोप लगाउदै आएका छन ।

सो घटनामा त्यस समयमा रौतहट प्रहरी प्रमुख उपरीक्षक रविराज खडका , डिएसपी ज्ञानकुमार महतो लगाएत ६ जना बिरुद्ध पिडित परिवारले मुद्धा समेत दर्ता गराएका छन ।

एसपी खडकालाइ भदौ १८ गते रौतहट प्रहरी प्रमुखबाट हटाई प्रहरी प्रधान कार्यालय तानिएको थियो भने डिएसपी महात्तो लाइ जनकपुर तानिएको र अन्य तीनजना लाइ निलम्वन गरीएको थियो ।

बिजय राम मृत्यू प्रकरणको छानविन गर्न बनेको समितीले प्रहरीको कमजोरी देखीएको भन्दै कार्वाही को सिफारीस भएको बताइएको छ ।

गरुडा नपा ८का २० बर्षिय निरन्जन रामको हत्या गरेको आरोपमा विजय रामलाइ प्रहरीले पक्राउ गरेको थियो ।
हिरासतमा कुटपिट बाट बिरामी भएका बिजयको भदौ ११ गते उपचारको क्रममा बीरगंजको नेशनल मेडिकल कलेज शिक्षण अस्पतालमा मृत्यू भएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।