नारायणी अस्पतालको प्रयोगशालमा रोकिएको कोरोना भाइरसको संक्रमणको परिक्षण पून शुरु

9/23/2020 गते 00 00 मा प्रकाशित 763 पटक पढिएको

नारायणी अस्पतालमा रहेको प्रयोगशालाले स्थगीत रहेको कोरोना भाइरसको संक्रमणको परिक्षण पुन शुरु भएको छ ।

मंगलवार रिएजेन्ट किट आएकोले परिक्षण शुरु भएको हो । वीरगञ्जस्थित नारायणी अस्पतालमा केही समयकालागि पिसिआर परिक्षण स्थगीत भएको थियो ।

अस्पतालमा रिएजेन्ट अभाव थियो काठमाडौँबाट रिएजेन्ट आएपछि परिक्षण पुन शुरु भएको अस्पतालले जनाएको छ ।

स्वास्थ्य मन्त्रालयले रिएजेन्ट नपठाउँदा परिक्षण प्रभावित हुनेगरेको अस्पतालका प्रमुख संजय ठाकुरले बताउनु भयो । उहाँले विगत दुई हफ्तादेखि मन्त्रालयले अस्पतालमा परिक्षणको लागि रिएजेन्ट नपठाएको जानकारी समेत दिनु भयो ।

स्वास्थ्य मंत्रालयले किटहरु नपठाएपछि अस्पताल आफैले किनेर परिक्षण गर्दै आएको छ । मंत्रालयले रिएजेन्ट किट नपठाएपछि परिक्षण रोक्न बाध्य हुनु पनेृ अवस्था आउने बताउनु भयो । उहाँले प्रदेश सरकारले सहयोग गर्ने आश्वसान दिए पनि कुनै सहयोग नपाएको उहाँले बताउनु भयो ।

प्रयोगशाला प्रत्येक दिन ३ सय रिएजेण्ट उधोरोमा मगाएर परिक्षण गरिरहेको डा.ठाकुरले बताउनु भयो । उहाँले सधै उधोरामा नपाउने पनि भएकोले समस्या हुने भएको बताउनु भयो ।

उहाँले टेन्डर प्रकृया मार्फत रिएजेन्ट खरिद गर्न अस्पतालले तयारी गरेपनि त्यसमा समय लाग्ने सक्ने बताउँदै स्वास्थ्य मन्त्रालयले तत्काल केहि आवश्यक कदम उठाउन आवश्यक रहेको बताउनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।