काठमाण्डौ सीमरा उडान शुरु बुद्धसंगै अव यतिले पनि सेवा दिने

9/22/2020 गते 00 00 मा प्रकाशित 1172 पटक पढिएको

७ महिना देखी बन्द रहेको सीमरा काठमाण्डौ हवाई उडान आजबाट शुरु भएको छ । बुद्ध एयरले सोमवार ७२ सिटे एटिआर बिमान संञ्चालनमा ल्याएको हो ।

०७६ चैत ११ गते देखीको बन्दाबन्दीका कारण आन्तरिक उडानहरु पन स्थगीत थिए । आन्तरिक उडानहरु चैत ९ गते देखी नै सरकारले स्थगीत गरेको थियो । ०७७ असोज ५ गते देख िआन्तरिक उडानहरु सुचारु गर्ने सरकारी निर्णय पछि काठमाण्डौ सीमरा उडान पनि शुरु भएको हो ।

अहिले बुद्ध एयरले दैनीक एउटा जाहाज उडाउने भएको छ । काठमाडौंबाट सिमरा साढे १२ बजे र सिमराबाट काठमाडौं १ बजे बुद्ध एयरको उडान भइरहेको नागरिक उड्डयन कार्यालय सिमराका वसन्त गौतमले बताउनु भयो ।

सिमरा–काठमाडौंबीच ट्वीनेटर, बिच, एभ्रो सञ्चालनमा आएपनि एटिआर पहिलोचोटि सञ्चालनमा आएको हो। अहिलेसम्म ४० सिटको एभ्रो विमानबाहेक ठूलो विमान सिमराबाट उडेको छैन। ७२ सिटको एटिआर नै धेरै यात्री लिएर उड्ने पहिलो विमान हो।

यसैवीच बिहिवार देखी यतिले पनि काठमाण्डौ सीमरा उडान शुरु गर्ने भएको छ । लामो समय देखी बुद्ध एयरले उक्लै उडान भर्दै आएको सीमरामा अव उसले पनि प्रतिस्पर्धा गर्नु पर्ने भएको छ । यति एयरलायन्सले आज काठमाडौं–सिमरा परीक्षण उडान गरेको प्रमुख गौतमले बताउनु भयो ।

यतिले केही वर्षअगाडि सम्म सिमरा–काठमाडौं उडान गरिरहेको थियो । लामो समयको उडान स्थगन पछि यतिले फेरी उडान शुरु गर्न लागेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।