संक्रमणमा आधारित शिलबन्दीलाई निरन्तरता दिने जिल्ला संकट ब्यवस्थापन केन्द्रको निर्णय, पुरानै प्रवन्धहरु पालनामा जोड

9/16/2020 गते 00 00 मा प्रकाशित 813 पटक पढिएको

जिल्ला संकट ब्यवस्थापन केन्द्रको बुधवार बसेको बैठकले कोभिड १९ रोकथाम तथा नियन्त्रण तथा उपचार ब्यवस्थित गर्नकालागि संक्रमणमा आधारित शिलबन्दी प्रक्रियालाई निरन्तरता दिने निर्णय गरेको छ । संक्रमण भएका क्षेत्र शिल गरेर नियन्त्रण रोकथाम र उपचारलाई ब्यवस्थित गर्दा अन्य क्षेत्रलाई भने अहिले ब्यवस्था अनुसार खुला छाडिने छ ।
आजको यो निर्णयले साउन ११ गते देखी निरन्तर रहेको निषेधाज्ञालाई अन्त्य गरेको छ । बीरगंजमा मात्र सिमित रहेको निषेधाज्ञा खुले पनि कतिपय प्रवन्धहरु जिल्ला संकट ब्यवस्थापन केन्द्रले कायमै राखेको छ । बीरगंजमा घण्टाघर देखी नारायणी अस्पताल सम्मको मुख्य सडकलाई नो भेहिकल मुभमेन्ट जोनको रुपमा घोषणा गरेको छ । त्यो बेलामा एम्बुलेन्स, बैक ट्रान्सपोर्टका सवारी ग्यास र औषधीका सवारीलाई मात्र प्रवेश दिइने निर्णय गरेको छ ।
जिल्ला संकट ब्यवस्थापन केन्द्रले सीमा शिल नै रहने जनाएको छ । सीमाबाट ब्यक्तिको आवगमन तोकिएको प्रवेश नाका बाहेक अन्तबाट नहुने गरि निर्णय गरेको छ ।
बीरगंज बजार बिहान ११ बजेदेखी ४ बजे सम्म खुल्ला रहने कुरालाई पनि आजको बैठकले निरन्तरता दिएको छ । तोकिएको समयभन्दा बढी पसलहरु संचालन गरेमा कारवाही गर्ने निर्णय बैठकले गरेको छ । आ आफनो पसलमा आउने ग्राहकहरुवीच सामाजिक दुरी कायम गराउनु पर्ने दायित्व बयवसायीको रहेको छ स्वास्थ्य तथा सुरक्षाको मापदण्ड उल्लंघन भएमा ब्यवसायीलाई कारवाही गर्ने निर्णय भएको छ । तरकारी बजार भने पूर्ववत बिहान ५ देखी ८ बजे सम्म मात्र संचालन गर्न पाइने छ । बिद्यालयहरु , सैलुुन, होटेल रेष्टुरेन्ट सभा समारोह भेला र गोष्ठी डिपार्टमेन्टल स्टोरहरु जस्ता बढी नागरिकको सहभागिता रहने कुराहरु संचालनमा आउने छैनन ।
बीरगंज महानगरभित्र मोटरसाइकल लगायतका सवारी साधनहरु बीरगंज महानगरपालिकाको समन्वयमा घण्टाघर, मालपोत अगाडि नयाँ तथा पुरानो बसपार्कमा सवारी पार्किङ गर्नु पर्ने निर्णय भएको छ । नो मास्क नो मुभको अभियानलाई संचालन गर्ने र सरकारी कार्यालहरुले अत्यावश्यक कामको सूची बनाई सेवाग्राहीको स्वास्थ्यको बिषयलाई ध्यानमा राखेर आवश्यक सुरक्षा सर्तकताको प्रवन्ध मिलाएर काम गर्न सरकारी कार्यालयहरुलाई केन्द्रले निर्देशन दिएको छ ।
जिल्लाका बिभिन्न स्थानमा रहेका बिद्यालयहरुलाई क्वारेन्टिन मुक्त बनाउनकालागि केन्द्रीय संकट ब्यवस्थापन केन्द्रमा लेखि पठाउने निर्णय भएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।