लागू औषध मुद्दामा ११ वर्ष कैद र एक लाख रुपैया“ जरिवाना फैसला भएको ७ वर्षपछि पटके कैदी विक्की रौनियार भनिने विक्की अग्रवाललाई पर्सा अदालतको तहसिल शाखाले फर्जी सर्टिफिकेट कै भरमा २ वर्ष ७ महिना कैद मिनाहा गरेको खुलासा भएको छ ।

उक्त फर्जी सर्टिफिकेट तैयार गर्नमा विक्कीलाई जेलका नाइके शेख भोला, चौकीदार दिनेश सर्राफ, सुनिल जयसवालले सहयोग गरेको सम्वद्ध स्रोतको दाबी छ । विक्की वीरगन्ज कारागारका भाई नाइके थिए । भोला नाइके भएपनि सजिलै जेल बाहिर आउने जाने गरेका थिए । दिनेश सर्राफलाई छाया चौकीदार बनाएर भोलाले जेलको भित्री प्रशासन चलाउ“दै आएका छन् । 

    ‘विक्की र भोलाको दोस्ती राम्रो थियो,’ कारागार स्रोत भन्छन्, ‘विक्कीको आग्रहमा भोलाले नै भारतीय स्कुलबाट नक्कली सर्टिफिकेट झिकाए ।’ ०६८ चैत १३ मा ३० ग्राम खैरो हिरोइन सहित पक्राउ परेका थिए विक्की ।

त्यसबेला प्रहरीको बरामदी मुचुल्का र अदालतमा विक्कीले दिएको बयानमा आफ्नो उमेर २५ वर्ष उल्लेख गरेका छन् । तर, जेलका चौकीदार दिनेश सर्राफ, नाइके शेख भोला, सुनिल जयसवाल र रिसी गुप्ताको समूहले भारतबाट मगाएको सर्टिफिकेटमा विक्की पक्राउ पर्दाको समयमा १८ वर्ष भन्दा कम उमेर देखाइएको छ ।

पढ्दै नपढेको स्कुलको सर्टिफिकेटमा जन्ममिति घटाएर अदालतमा ६ महिना पहिले नै पेश गरिएको थियो । तर, त्यसबेलाका कर्मचारीले विक्कीलाई रिहा गर्न मानेका थिएनन् । हालै जनकपुर सरुवा भएका तहसिलदार समी कपुर साहले बरबुझारथ गर्नु अगाडि गत बिहीबार फर्जी सर्टिफिकेटको आधारमा विक्कीको कैद सजाय २ वर्ष ७ महिना मिनाहा गर्ने निर्णय गरेका हुन् । विक्की रिहा भएपछि बिहीबार नै भारत गएका छन् । 

    विक्की रिहा भएपछि सर्राफ र भोलाको समूहले थप कैदीहरुलाई पनि यस्तै फर्जी कागजातको आधारमा अगामी दशैमा रिहा गराउने योजना रहेका छन् ।

‘कारगार भित्र रहेका पसल, खाद्यान्न बिक्री, चर्को टेलिफोन शुल्क र कैदीस“ग गरिने अवैध असुलीका कारण यो समूहस“ग आर्थिक स्रोतको कमि छैन्,’ कारागार स्रोत भन्छन्, ‘विक्कीलाई रिहा गर्ने योजना सफल भएपछि यो समूह सरकारले दशैमा गर्ने कैदी रिहाईका लागि पनि फर्जी कागजात बनाउन थालेको छ ।’

जेलर, स्थानीय प्रशासन देखि लिएर कारागार विभागसम्म लाई आर्थिक नजराना पु¥याएर यो समूहले जे गरेपनि कसैले सरुवा गर्न नसक्ने मनस्थिती बनाएका छन् ।  

खैरो हिरोइनका पटके कारोबारी

    ०६८ चैत १२ मा पक्राउ पर्दा विक्की १८ वर्ष नपुगेको भन्दै २ वर्ष ७ महिना कैद सजाय मिनाहा गरेको पर्सा अदालतले यस अघि २०६१ चैत १६ मा विक्कीलाई लागू औषधकै मुद्दामा ५ वर्ष कैद र ५० हजार रुपैया“ जरिवाना गरेको थियो । त्यसबेला विक्की खैरो हिरोइन र लागू औषध बिक्री गर्ने तराजु र ढक सहित पक्राउ परेका थिए ।

५ वर्ष कैद सजाय काटेर कारागार बाहिर आएको विक्की दोस्रो पटक भारतको रक्सौलबाट ३० ग्राम खैरो हिरोइन लिएर वीरगन्ज आउने क्रममा पक्राउ परेका थिए । वीरगन्जको रजतजयन्ती चौकबाट विशेष सुराकीको आधारमा पक्राउ परेका विक्कीको पाइन्टको अगाडि पट्टिको पाकेटबाट प्लाष्टिकमा बेरिएको अवस्थामा खैरो हिरोइन बरामद भएको प्रहरीको बरामदी मुचुल्कामा उल्लेख छ ।

विक्की र उनको समूहले भारतबाट खैरो हिरोइन खरिद गरि काठमाडौ, पोखरा, नारायणघाटमा सप्लाई गर्दै आएको प्रहरी अनुसन्धानमा खुलेको थियो । टाटासुमो र बस मार्फत विक्कीको समूहले वीरगन्ज बाहिर सप्लाई गर्थे । 

    जिल्ला अदालतले २०७० जेठ ५ मा लागू औषध नियन्त्रण ऐन बमोजिम विक्कीलाई ११ वर्ष कैद र एक लाख जरिवानाको फैसला गरेको थियो । पटके भएकाले सोही ऐनको दफा १६ बमोजिम थप ५ वर्ष कैद र ५० हजार जरिवाना गरेको थियो ।

जिल्ला अदालतको फैसला तत्कालिन पुनरावेदन अदालत हेटौडाले ०७३ वैशाख २८ मा र सर्वोच्चले ०७५ वैशाख २७ मा सदर गरेको थियो ।

‘एकपटक लागू औषधीको कारोबारको कसुरमा सजाय भुक्तान गरी सकेका यी प्रतिवादीको साथबाट बरामद भएको ३० ग्राम खैरो हिरोइन केवल सेवनको निम्ती मात्र बोकी हिडेको होलान् भनी अनुमान गर्नु विश्वसनीय र व्यवहारिक हुने देखिदैन्, सर्वौच्चको फैसलामा भनिएको छ, ‘निज प्रतिवादी लागू औषध ओसारपसार र बिक्री वितरणमा संलग्न रहेको देखिन आउ“छ । लागू औषध सेवनतर्फ मात्र सजाय गरी पाउ“ भन्ने प्रतिवादी विक्कीको पुनरावेदन जिकिर पुग्न सक्दैन् ।’