कोरोना परास्त गरेर ६१ जना घर फर्किए, २९ जनाको संघन उपचार कक्षमा उपचार हुदै

8/29/2020 गते 00 00 मा प्रकाशित 787 पटक पढिएको

पर्सामा आज कोरोना भाइरसको संक्रमणबाट मुक्त भएर ६१ जना ब्यक्तिहरु घर फर्किएका छन । बिभिन्न समयमा भएका परिक्षणमा कोरोना भाइरसको संक्रमण पुष्टि भएकाहरु लगातार दुई पटकको परिक्षणमा नेगेटिभ आएपछि उनीहरु घर फर्किएको जिल्ला प्रशासन कार्यालय पर्साले जनाएको छ ।

संक्रमण पुष्टि भएपछि होम आइसोलेशनमा बसेका ५ जना कोरोना भाइरसको संक्रमणबाट मुक्त भएका छ । पोखरिया नगरपालिका अन्र्तगत होम आइसोलेशनमा रहेका ४ जना र नारायणी अयोधा अस्पतालले ब्यवस्थापन गरेको होम आइसोलेशनबाट १ जना कोरोना भाइरसको संक्रमणबाट मुक्त भएका हुन ।

त्यसैगरि गण्डक अस्पतालमा उपचारकालागि भर्ना भएका ५ महिला सहित १६ जना कोरोना भाइरसलाई परास्त गरेर घर फर्किएका छन ।

त्यसै गरि कस्थायी कोभिड अस्पताल बीरगंज हेल्थ केयर अस्पतालमा उपचार गराईरहेका ४ महिला सहित १७ जना र बीरगंजको होटेल रानी पोखरिमा ब्यवस्थापन गरिएको सामुदायिक आइसोलेशन केन्द्रबाट ४ जना रानीसति धर्मशालामा रहेको सेमी आइसोलेसनबाट ९ जना र पोखरियामा रहेको जिल्ला अस्पतालबाट १० जना कोरोना भाइरसलाई परास्त गरेर घर फर्किएका छन ।

यो संगै पर्सामा जिल्लामा कोरोनालाई जितेर घर फर्किनेको संख्या ६ सय ४७ पुगेको छ । कोरोना भाइरसबाट पर्सा जिल्लामा संक्रमीत हुनेको संख्या भने २१ सय १३ रहेको छ । आइसोलेशन वार्डमा १ सय ४ जना रहेका छन । होम आइसोलेनशमा ९ सय ३१ जना रहेका छन ।

त्यसैगरि ३ सय २२ जना भने सामुदायिक आइसोलेशन केन्द्रमा रहेका छन । बीरगंजमा रहेको गण्डक तथा बीरगंज हेल्थ केयर अस्थायी कोभिड अस्पतालमा उपचारमा रहेका मध्य २८ जनालाई सघन उपचार कक्षमा राखेर उपचार भइरहेको जिल्ला प्रशासन कार्यालय पर्साले जनाएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।