पर्सामा २१ जना संक्रमीत थपिए , संक्रमीतको संख्या २१ सय नाघ्यो ,४ सय बढीले कोरोना परास्त गरे

8/27/2020 गते 00 00 मा प्रकाशित 732 पटक पढिएको

वीरगञ्जस्थित नारायणी अस्पताल पिसिआर प्रयोशालामा गरिएको पछिल्लो परिक्षणको नतिजा आउँदा थप ३३ जनामा कोरोना पोजेटिभ देखिएको छ ।

पर्सामा २१, बाराका ६ र रौतहटका ३ जनागरी थप ३३ जनामा कोरोना सङ्क्रमण पुष्टि भएको हो ।

प्रयोशालामा बुधबार राती ५ सय १० जनाको स्वाबको नमूनालाई पिसिआर प्रविधिबाट परिक्षण गर्दा नेपाली सेना , शसस्त्र प्रहरी र स्वास्थ्यकर्मीसहित थप ३३ जनामा कोरोना संक्रमण पुष्टि भएको नारायणी अस्पतालका प्रवक्ता डा. अतुलेशकुमार चौरसियाले जनाकारी दिनु भयो ।

थपिएका सङ्क्रमितमा ४ जना महिला रहेका छन । त्यसैगरी रौतहटको गौर कारागारमा रहेका ३ जना, सशस्त्र प्रहरी गुल्म नम्बर १५ मा २ जना र जीतपुर आर्मी ब्यारेकमा एक जनामापनि सङ्क्रमण पुष्टि भएको प्रवक्ता डा. चौरसियाले जानकारी दिनु भयो ।

पर्साको सखुवाप्रसौनी गाउँपालिकामा ७ जना र कालिकामाई गाउँपालिका वडा नम्बर ५ विरन्चीवार्वामा पाँच जनामा कोरोना सङ्क्रमण पुष्टि भएको छ । बाराको महानगढीमाई नगरपालिकामा ४ जना र कबहीमा एक जना सङ्क्रमित थपिएका छन् ।

आज थपिएकाहरुलाई मिलाएर जिल्लामा कुल सङ्क्रमितको संख्या २ हजार १ सय २२ पुगेको छ । जसमध्ये ४ सय ४४ जना कोरोनामुक्त भएका छन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।