बीरगंज महानगरपालिकाले गिट्टी बालुवा निकासीकोलागि आव्हान गरेको टेण्डर बदर गर्ने भएको छ । सेटिङमा ठेक्का बन्दोबस्ती मिलाउन लागिएको अवस्थामा  बीरगंज महानगरपालिका नै टेण्डर बदर गर्ने जनाएको छ ।

मेयर बिजय कुमार सरावगीका राजनीतिक सल्लाहकार मुकेश द्विवेदीले सामाजिक संजलनमा एउटा स्टाटस लेखेर यस्तो जनाउ दिनु भएको छ । टेण्डर रद्ध गर्नकालागि महानगरको कार्यपालिकाको बोर्ड बैठकले निर्णय लिनु पर्छ ।

सम्पूर्ण प्रक्रिया पुरा गरेर आव्हान गरिएको टेण्डर बदर गर्न महानगरपालिकालाई पनि त्यती सजिलो भने छैन । सार्वजनीक सूचना प्रकाशन गरिएको छ । टेण्डरहरु बिक्री भएका छन । ७ वटा कम्पनीले प्रतिस्पर्धामा भाग लिएका छन ।

टेण्डरमा निर्धारण गरिएको न्यूनतम कवोल अंक भन्दा, बढी जसले बढी राजस्व बुझाउने प्रतिवद्धता जनाएको छ उसले ठेक्का सकार गर्न पाउने उसको अधिकारी हुन्छ नै ।

प्रक्रिया अनुसार बिक्री भएको टेण्डर आवश्यक प्रतिनिधिहरुको रोहवरमा आज खुलेको छ । निषेधाज्ञाको बेला सेना परिचालन भएको अवस्थामा कार्यालयहरु बिदामा हुदा समेत प्रक्रिया र सार्वजनीक खरिद ऐनको हवाला दिदै टेण्डर खोल्नु नै यसमा बदनियत देखिन्छ ।

सार्वजनीक बिदा परेको भोलीपल्ट भन्ने वक्याशं बोलपत्रमा लेखेर बिदाको दिन म्याद सकिने भएपनि त्यसको भोली पल्टलाई बैधता दिने प्रचलन छ । यो स्वास्थ्य महासंकटको बेला भदौ १३ गते सम्मकालागि महानगरको राजस्व शाखाले प्रतिक्षा गर्न नसकेको बिषय  आफनौ अनौठो छ । 
 

बीरगंज महानगरका सबै महाशाखा बन्द भएपनि आज राजस्व महाशाखा भने खुलेको थियो । बोलपत्रले सृजना गरेको बाध्यात्मक मापदण्डका कारण टेण्डर खोल्नु परेको महाशाखा प्रमुख रामदयाल यादव बताउनु हुन्छ । बोलपत्र खरिद गर्ने कम्पनीका प्रतिनिधि कोष तथा लेखा नियन्त्रण कार्यालयका प्रतिनिधिको रोहवरमा टेण्डर खोलिएको उहाँले बताउनु भयो ।  सरस्वती निर्माण सेवाले ४१ लाख ९१ हजार रुपैया सबै भन्दी बढी रकम कवोल गरेको छ । 

गत आर्थिक वर्षको पछिल्लो ३ महिनामा त्यही भेडाह खोलालाई महानगरले ९१ लाख रुपैयामा ठेक्का लगाएको थियो । प्रदेश आर्थिक ऐनले प्रति घन फिट गिट्टी बालुवको निकासीमा ४ रुपैया राजस्व तोकेको छ । यस पटकको बोल पत्रमा २७ हजार घनमिटर अर्थात ९ लाख ५२ घनफिट गिट्टीबालुवा निकाल्ने स्वीकृति दिइएको छ ।

४ रुपैयाका दरले हुन आउने ३८ लाख १० हजार न्यूनतम कवोल अंक तोकिएको छ । यसको आधारमा महानगरले टेण्डर रद्ध गर्ने मनासिव कारण देखिदैन । तर यति नै परिमाणकालागि गत वर्ष र त्यो भन्दा अगाडिका आर्थिक वर्षमा सकार भएको ठेक्का रकम हेर्दा महानगरले अहिले ठेक्का रकमलाई सही सावित गर्न फलामको च्यूरा चपाउनु सरह हुने भएकोले महानगरको अगाडि टेण्टर रद्धको अर्को बिकल्प देखिदैन ।

राजस्व महाशाखा प्रमुख राम दयाल यादव पनि महानगर टेण्डर रद्धको दिशामा अगाडि बढेको बताउनु हुन्छ । गत वर्षको जति रकम नपरेकोले पनि महानगर टेण्डर बदर तर्फ जाने उहाँले बताउनु भयो । 

कोरोनाका कहरमा महानगर प्रमुख बिजय कुमार सरावगी , प्रमुख कार्यकारी प्रमुख प्रदीप निरौला ,स्वास्थ महाशाखा प्रमुख लगायत धेरै  जना ब्यक्तिहरु कोरोना संक्रमण परेर उपचार गराई रहनु भएको बेलामा महानगरको स्रोतको दोहनको तारताम्य सफल हुन पाएको छैन । 

केही कर्मचारी र महानगर भित्र केही जनप्रतिनिधि नै यो टेण्डर प्रक्रियालाई सफल बनाउने सेटिङमा लागेका थिए तर उनीहरुलाई सेटिङ बापतको प्रतिफल पचाउन भने हम्मे हम्मे पर्ने भएको छ । भोली यसलाई कानूनी चुनौती दिएर पनि महानगरको स्रोत दोहनमा नयाँ बाटा अख्तियारी हुन सक्ने अड्कल लगाइदै छ ।