पर्सामा मृत्यु पछि कोरोना संक्रमणको पुष्टि ,अहिले सम्म मर्नेको संख्या ३० पुग्यो

8/19/2020 गते 00 00 मा प्रकाशित 742 पटक पढिएको

पर्सामा मृत्यु पछि एक जनामा कोरोनाको संक्रमण पुुष्टि भएको छ । बीरगंज महानगरपािलका वडा नं १५ भिषूवाका ५७ वर्षिय पुरुषको जिन एक्सपर्ट विधिमार्फत कोरोना परीक्षण गर्दा कोरोना पोजेटिभ आएको जिल्ला प्रशासन कार्यालय पर्साका प्रशासकीय अधिकृत बिनय श्रीवास्तवले जानकारी दिनु भयो ।

भिश्वाका पुरुषलाई स्वास्थ्यमा समस्या देखिएपछि उपचारका लागि नारायणी अस्पतालमा लगिएकोमा मंगलबार दिउँसो ३ः३० बजे मृत्यु भएको थियो । जिन एक्सपर्ट विधिमार्फत कोरोना परीक्षण गर्दा कोरोना पोजेटिभ आएको थियो ।

भवानी अस्पतालमा उपचार गराई रहेका भिस्वाका ५७ बर्षीय पुरुषको स्वास्थ्य अवस्था जटिल बन्दै गएपछि थप उपचारका लागि वीरगन्जको नेशनल मेडिकल कलेज र नारायणी बयोधा मा लगिएकोमा त्यहाँ भर्ना नलिएपछि पुनः भवानी हस्पिटलमा फर्काएको थियो ।

भवानीमा केही उपचार पछि थप उपचारकालागि नारायणीमा लगिएको थियो । नारायणी अस्पतालमा पु¥याएको केहीबेरमा नै उहाँकोे मृत्यु भएको थियो ।

यो सँगै वीरगञ्जमा कोरोना संक्रममणबाट कारण मृत्यु हुनेको संख्या ३० पुगेको छ । साउनमा मात्रै २४ जनाको मृत्यु भएको थियो ।

हालसम्म वीरगञ्जमा पर्साका २२ जना, बाराका ५ जना र रौतहटका २ जनाको कोरोना संक्रमणबाट मृत्यु भएको छ । जेठ ३१ गते वीरगञ्जको घण्टाघरमा मृत भेटिएको बेवारिसे शवमा पनि कोरोना संक्रमण पुष्टि भएको थियो । तर उनको हालसम्म पहिचान खुल्न सकेको छैन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।