मृतकका आफन्तजनद्वारा नारायणी अस्पतालमा तोडफोड,प्रहरीद्वारा लाठीचार्ज

8/9/2020 गते 00 00 मा प्रकाशित 856 पटक पढिएको

अस्पतालहरुले उपचार गर्न नमानेका कारण मृत्यु भएको घटनाको बिरोधमा बीरगंजको छपकैयाका स्थानीयले आज बीरगंजको नारायणी अस्पताल अगाडि एक घण्टा प्रर्दशन गरेका छन ।

कोरोना संक्रमणको बाहनमा रिपोर्ट नआउदै अस्पतालहरुले बिरामी भर्ना गर्न नमान्दा २४ गते बिहान बीरगंजमा २० वर्षिया बिष्णु लामाको ज्यान गएको थियो ।

त्यसैगरि कोरोना भाइरसको संक्रमणको आशंकामा बिरामीलाई अस्पतालले भर्ना नलिदा वीरगंज वडा नं ११ श्रीपुरका चलितर महतो, वडा नं ३ का जोखु साह सोनार लगाएत अन्य दुई जना गरी अहिले सम्म ५ व्यक्तिले अकालमै ज्यान गुमाइ सकेका छन।

अस्पतालको यस्तो क्रियाकलापका कारण आक्रोशित भएका स्थानीयले आज नारायणी अस्पताल अगाडि प्रर्दशन गरेका हुनु । उनीहरुले मेडिकल सुपरिटेण्डेण्ट र चिकित्सकका बिरुद्ध नारावाजी गरेका थिए ।

आक्रोशित स्थानीयले अस्पतालमा रहेको स्वाब संकलन क्याविनेट र डिस्इन्फेकशन क्याबिनेट समेत तोडफोड गरिदिएका छन ।स्थान्ीयहरुको तोडफोडका कारण डा. उदय नारायण सिंहको कारको सीसा समेत फूटेको छ ।

स्थानीयहरु तोडफोडमा उत्रेपछि प्रहरीले लाठी चार्ज गरेर भिड तितर बितर पारेको थियो । अहिले अस्पताल क्षेत्रको अवस्था सामान्य रहेको छ । वीरगञ्जका स्थानीयहरुले निषेधाज्ञालाई तोडेर नारायणी अस्पताल अगाडी चर्को नाराबाजी गर्दै विरोध प्रदर्शन गरेका हुन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।