शिक्षण अस्पतालले उपचार गर्न नमान्दा एकको मृत्यु, लाश पठाइदिन्छन त्यही भएर गेटमै चेक गर्छौः मेसु सर्राफ

8/6/2020 गते 00 00 मा प्रकाशित 813 पटक पढिएको

अस्पतालले उपचार गर्न नमानेपछि बीरगंजमा ६४ वर्षिय एक जना पुरुषको मृत्यु भएको उहाँका आफन्तजनले आरोप लगाएका छन ।

बीरगंजको नेशनल मेडिकल कलेज शिक्षण अस्पतालले बिरामीको उपचार गर्न नमान्दा बीरगंज महानगरपालिका वडा नं ११ श्रीपुर निवासी ६४ वर्षिय चलितर महतोको मृत्यु भएको उहाँका भाइ शम्भू महतोले बताउनु भयो ।

श्वासप्रस्वासमा समस्या भएपछी उपचार गराउँन बिहिबार बिहान नेशनल मेडिकल कलेजमा लगिएका महतोलाई अस्पतालले उपचारकालागि भर्ना नलिएको हो ।

परिवारजनले अस्पतालको लापरवाहीका कारण वृद्धको मृत्यु भएको आरोप लगाएका छन् ।
महतोलाई बुधवार राती पनि शरीरमा समस्या देखिएपछि उपचारकोलागि नेशनल मेडिकल कलेजमा लगिएको थियो । त्यतीबेला अस्पतालले कोरोना भाइरसको संक्रमणको बिषयमा गरिएको परिक्षणको रिपोर्ट माँग गरेको थियो । रिपोर्टको कागज नभएकोले बिरामीको भर्ना हुन सकेन ।

महतोको साउन ११ र १५ गते गरि दुई पटक स्वाब परिक्षण भएको थियो । दुबै पटक रिपोर्ट नेगेटिभ आएको थियो । बिहिवार रिपोर्ट हात परेपछि उपचारको लागि फेरी अस्पताल लगेर रिपोर्ट देखाउदा समेत अस्पतालले भर्ना नगरेको मृतकका भाई शम्भू महतोले बताउनु भयो ।

भर्नाकालागि निकै आग्रह गरयौ महतोले भन्नु भयो “अस्पतालका सुरक्षाकर्मीहरुले कलेजका एमडीले (बसरुदिन अन्सारी ) आदेश नदिएसम्म विरामी भर्ना गर्न नमिल्ने भनेर जवाफ दिए ”।

नेशनल मेडिकल कलेज शिक्षण अस्पतालका मेडिकल सुपरिटेण्डेण्ट डा. प्रमोद सर्राफले अस्पताललाई लगाएको आरोग गलत भएको बताउनु भयो । सव गलत कुरा हो, गलत कुरो हो, गलत कुरर हो मिस न्यूज हो उहाँले भन्नु भयो अहिले पनि एटा चाही नारायणी बाट मरेको पेशेन्ट पठाई दिएको थियो ।

डा. सर्राफले आफूहरुले अस्पतालको गेटमै एम्बुलेन्समा चेक गर्ने र अनि मात्र बिरामी लिने नियम लगाएको बताउनु भयो । उहाँले लाश पठाईदिन्छ अनी कसैले वास्ता गर्दैन पिसीआर रिर्पोट आउन तीन दिन चार दिन लाग्छ लाश उठाउन तीन चार दिन लाग्छ लाश गन्हाउछ तर कोही चाही जवाफदेही नहुने गरेको बताउनु भयो । ल मेरो मिटीङ छ राख्नुस भन्दै डा .सर्राफले फोन काट्नु
भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।