मधेश प्रदेश सभामा गाँजा खेतीको सम्भाव्यता अध्ययन गर्ने बिषय चर्चामा,मलखाद दिने प्रतिवद्धता पुरा गर्न सासद पटेलको माँग

इसीमाना सम्वाददाता २०८० जेठ १७ गते ०८: ४१ मा प्रकाशित 342 पटक पढिएको

वीरगञ्ज । नेपाली कांग्रेसका प्रदेश सांसद् श्यामप्रसाद पटेलले संघ सरकारले बजेट मार्फत नेपालमा गाँजा खेतीको सम्भाव्यता अध्ययन गर्ने घोषणा गरेकोमा त्यसको प्रशंसा गरेका छन।

मधेश प्रदेशकोसभामा आफना कुरा राख्दै पटेलले औषधीजन्य बस्तुको निर्माणमा गाँजाको प्रयोगको बिषय निकै पहिला देखी चर्चामा आएको बिषय भएको बताउदै संघ सरकारले गाजाँखेतीको बिषयमा बजेटमा बोल्नु उचित भएको बताए ।

उनले गाँजाको उत्पादनको बिषय किसानसंग जोडिने प्रसंगको चर्चा गर्दै अहिले किसानले मलखाद नपाएकोमा भने चिन्ता ब्यक्त गरे । उनले संघ र प्रदेश सरकारले मलखादको अभाव नुहुने भन्दै जनताको वीचमा गरेको प्रतिवद्धता घोषणामा सिमित रहेको भन्दै आक्रोश ब्यक्त गरे ।

‘धन खेतीको सुरुवात हुन् लागिसक्यो, किसान साथीहरुले बिउ रोप्न सुरु गरिसक्नु भयो । तर, खादको अभाव छदै छ,’ उनले भने, ‘संघ र प्रदेश सरकारले यसपटक मलखादको अभाव नहुने बताएको छ ।

तर, अभाव निरन्तर छ । अहिलेसम्म समस्या समाधान गर्न तर्फ मधेश सरकार लागेको जस्तो मलाइ लाग्दैन ।’ मधेशलाई आर्थिक रुपले सम्पन्न गर्न कृषिमा ध्यान केन्द्रित गर्नुपर्ने सुझव दिँदै उनले छिटोभन्दा छिटो मलखादको व्यवस्थापन गर्न उनले माग गरे ।

आर्थिक वर्षको अन्तिममा आएर मधेश प्रदेश सरकारको अर्थमंत्रालयले रकम रकमान्तर गरि भद्रगोल रुपमा कमिशन लिएर रकम बितरण गरेको चर्चा ब्यापक छ ।

सत्तारुढ दलका सासदहरुले नै यो कुराको आलोचना गरिहेका छन । प्रदेश सभा सदस्यपटेलले यही प्रसंगमा पारदर्शीता कायम हुनु पनेृ बताउदै मधेश सरकारले स्थानीय तहलाई वितरण गरेको सशर्त अनुदानको विषयमा लागेको आरोपका बारेमा छानविन गर्न एउटा समिति बनाउन मााग गरेका छन ।

उनले अघिल्लो मधेश प्रदेश सरकारले वीरगञ्ज विकास प्राधिकरणको नाममा २५ करोड रुपैयाँ अनियमितता गरेको आरोप लगाएका छन् ।

बुधबार जनकपुरधामस्थित मधेश प्रदेशको बैठकमा बोल्दै सांसद् पटेलले अघिल्लो मधेश प्रदेश सरकारले वीरगञ्ज विकास प्राधिकरणको नाममा २५ करोड अनुदान दिएपनि प्राधिकरण गठननै नगरी रकम खर्च गरेको आरोप लगाएका हुन् ।

२५ करोड रुपैयाँ खर्च भएको छ । कुन माध्यम र कुन कारणले, के प्रभावमा त्यो २५ करोड रुपैयाँ खर्च भयो उनले मधेश सरकारलाई त्यस बिषयमा संसदलाई जानकारी दिन माँग गरेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।