बीरगंज महानगरपालिकाले कोरोना भाइरसको संक्रमणलाई नियन्त्रण गर्नकालागि परिक्षण बढाउन गरेको अभियानले सफलता पाएको छ ।

बीरगंज महानगरले सहयोग संकलन गरेर पिसीआर मेशिन संचालनमा ल्याएपछि अव बीरगंजका नागरिकको कोरोना भाइरसको संक्रमण परिक्षणको काम हुने भएको छ । 

परिक्षणकालागि आवश्यक पिसीआर किट, रिएजेन्ट किट र भिटिएम महानगरमा आइपुगेको छ । महानगरको करिब ५६ लाखको लागतमा २ हजार पिसीआर किट ,२ हजार रिएजेन्ट किट २० हजार भिटिएम आएको बीरगंज महानगरपालिकाका प्रमुख बिजय कुामार सरावगीले बताउनु भयो । 

परिक्षण कार्य संचालनकालागि महानगरले नेशनल मेडिकल कलेज र नेपाली सेनासंग जनशक्ति माँग गरेको छ । नेपाली सेनासंग र दश र नेशनल मेडिकल कलेजसंग १० जना प्राविधिक जनशक्ति माँग गरिएको प्रमुख सरावगीले बताउनु भयो । महानगर संग दश जना प्राविधिक टोली तयार छ थप २० जनाको ब्यवस्थान गर्दा दैनीक १ हजार ५ सय जनाको परिक्षण गर्न सकिने गरि ब्यवस्थापन मिलाउने काम भइरहेको उहाँले जानकारी दिनु भयो ।

कोरोना भाइरसको परिक्षण र त्यसको रोकथामको क्लिनीकल जिम्मेवारी संघ सरकारको हो । बीरगंज महानगरले पिसीआर मेशिन खरिद ,जडान र परिक्षणकालागि चाहिएको अन्य समाग्रीको ब्यवस्था गरेर सरकारलाई सहयोग गरेको हो ।

नागरिकको जीवन रक्षामा  प्रदेश र सघ सरकारले द्रुत गतीमा काम नगरेकै कारण महानगरपालिकाको तर्फबाट मेयर सरावगीले कोरोना रोकथाम तथा नियन्त्रणकोलागि कोभिड अस्पतालको संचालन र द्रुत परिक्षणकालागि आवश्यक पूर्वाधार निर्माणको नेतृत्व लिनु भएको थियो । 

बीरगंजका २० प्रतिशत नागरिकको स्वाब परिक्षणकोलागि आवश्यक समाग्री जोडीसक्यौ महानगर प्रमुख सरावगीले भन्नु भयो“अरु पनि ब्यवस्थापनमा लागेका छौ अव त हामीले यत्रो सहयोग गरेपछि प्रदेश र संघ सरकारले पनि सहयोग गर्ने बिश्वास लिएको छु । दैनीक १ हजार पाँच सयका दरले परिक्षण हुदा एक डेढ महिनामा  परिक्षण सकेर संक्रमीतहरुलाई आइसोलेट गरि बीरगंजलाई थप चुनौतीमा जान बाट रोक्न सकिने उहाँले बिश्वास ब्यक्त गर्नु भयो । 

बीरगंज महानगरपालिकाले खरिद गरेको रिएजेन्ट किट र पिसीआर किट नारायणी अस्पताललाई उपलब्ध गराइने छ भने भिटिएम महानगरले परिचालन गर्ने स्वास्थ्कर्मीहरुकालागि आवश्यक हुने भएकोले महानगरमै राखिने महानगरप्रमुख सरावगीले बताउनु भयो । एक घर बाट एक जनाको कोराना भाइरसको संक्रमणको परिक्षण गरिने छ ।

त्यो संगै भाडामा बसेका तर बीरगंजमा ब्यापार ब्यवसाय गरेकाहरुलाई पनि परिक्षणको दायरामा ल्याइने महानगरप्रमुख सरावगीले बताउनु भयो । अहिले महानगरले खरिद गरेको किटले १० हजार जनाको स्वाब परिक्षण गर्न सकिने छ । 

घर घरमा गएर चन्दा उठायो भनेर सार्वभौम सदनमा समेत झूठो बोलेर खिल्ली उडाउनेहरु, उधोगी ब्यवासयाीलाई चन्दा नदिन कुटनीति रुपमा धम्की दिनेहरु कोभिड अस्पताल संचालन गर्न नदिन मंत्रालय सम्म पुगेर अवरोध गर्नेहरु निरन्तर लागि रहे तर पनि नागरिकको जीवनको रक्षाकोलागि महानगर प्रमुखले लिएको अडान र दृष्टिकोण दुरगामी पुष्टि हुनुका साथै सफल भएको छ ।

महानगरपालिकाको नेतृत्वमा बीरगंजका सैयो नागरिकको कोराना भाइरसको संक्रमण परिक्षण हुने र महानगरलाई जोखिमबाट जोगाउने काम हुदैछ । यस्तोमा नागरिकको सहभागिता साथ र सहयोगको आफूले सदैव अपेक्षा गरेको महानगरप्रमुख सरावगीले बताउनु भयो ।